കൊൽക്കത്ത: ഡൽഹിയിൽ നിന്ന് മടങ്ങിയെത്തിയ തൃണമൂൽ കോൺഗ്രസ് എംപി അഭിഷേക് ബാനർജിയെ സ്വീകരിക്കുന്നതിനിടെ കൊൽക്കത്ത വിമാനത്താവളത്തിൽ ബിജെപി-തൃണമൂൽ പ്രവർത്തകർ തമ്മിൽ സംഘർഷം. ബിജെപി പ്രവർത്തകർ മുട്ടയുമായി വിമാനത്താവളത്തിൽ എത്തിയതാണ് സംഘർഷത്തിൽ കലാശിച്ചത്.(BJP And TMC Supporters Clash At Kolkata Airport Amid Political Turmoil)
അഭിഷേക് ബാനർജി വിമാനത്താവളത്തിൽ എത്തുന്നതിന് തൊട്ടുമുമ്പാണ് ബിജെപി പ്രവർത്തകർ അവിടെ തടിച്ചുകൂടിയത്. ഇവർ മുട്ടയുമായി എത്തിയെന്നാരോപിച്ച് തൃണമൂൽ പ്രവർത്തകർ പ്രതിഷേധവുമായി രംഗത്തെത്തി. നിമിഷങ്ങൾക്കുള്ളിൽ ഇരുവിഭാഗവും തമ്മിൽ തള്ളലും ഉന്തും ഉണ്ടായി. വിമാനത്താവളത്തിന് പുറത്ത് സാഹചര്യം ഏറെ പ്രക്ഷുബ്ധമായി. തുടർന്ന് പോലീസ് ഇടപെട്ടാണ് രംഗം ശാന്തമാക്കിയത്. അഭിഷേക് ബാനർജിക്ക് നേരെ ആക്രമണം ഉണ്ടാകുമെന്ന ആശങ്കയിൽ പോലീസും സുരക്ഷാ ഉദ്യോഗസ്ഥരും ചേർന്ന് അദ്ദേഹത്തെ മറ്റൊരു കവാടത്തിലൂടെ സുരക്ഷിതമായി പുറത്തെത്തിക്കുകയായിരുന്നു.
ബിജെപി പ്രവർത്തകർ പ്രകോപനപരമായ രീതിയിൽ പെരുമാറിയെന്നും, ആയുധങ്ങൾ കൈവശം വെച്ചിരുന്നതായും തൃണമൂൽ കോൺഗ്രസ് പ്രവർത്തകർ ആരോപിച്ചു. സുരക്ഷാ ക്രമീകരണങ്ങൾക്കിടയിലും ഇവർക്ക് എങ്ങനെ വിമാനത്താവള പരിസരത്ത് പ്രവേശിക്കാൻ സാധിച്ചുവെന്നത് വലിയ സുരക്ഷാ വീഴ്ചയാണെന്നും അവർ ചൂണ്ടിക്കാട്ടി.
Story Summary
Tensions flared at Kolkata Airport on Friday as BJP and TMC supporters clashed ahead of MP Abhishek Banerjee’s arrival, following his meeting with the Lok Sabha Speaker to seek the disqualification of 20 rebel TMC MPs. While TMC alleged that BJP activists arrived with eggs and weapons to attack Banerjee, police intervened to escort the MP out through an alternative exit.
