ഉത്തർപ്രദേശിൽ തടവുകാരനെ ഷോപ്പിംഗ് മാളിലേക്ക് കൊണ്ടുപോയ സംഭവത്തിൽ 4 പോലീസുകാർക്ക് സസ്പെൻഷൻ
ലക്‌നൗ: ജയിലിൽ തടവിൽ കഴിയുന്ന തടവുകാരനെ ഷോപ്പിംഗ് മാളിലേക്ക് കൊണ്ടുപോയ സ,ഭാവത്തിൽ പോലീസ് സബ് ഇൻസ്‌പെക്ടറെയും മൂന്ന് കോൺസ്റ്റബിൾമാരെയും സസ്‌പെൻഡ് ചെയ്തു. എസ്‌ഐ രാംസേവക്, കോൺസ്റ്റബിൾമാരായ അനൂജ് ധാമ, നിതിൻ റാണ, രാമചന്ദ്ര പ്രജാപതി എന്നിവരെ കൃത്യവിലോപത്തിന് സസ്‌പെൻഡ് ചെയ്തതായി ലഖ്‌നൗ പോലീസ് കമ്മീഷണറേറ്റ് പ്രസ്താവനയിൽ പറഞ്ഞു.
കഴിഞ്ഞ വർഷം ജൂണിൽ റിഷഭ് റായി എന്നയാളെ ആയുധ നിയമത്തിന്റെ പേരിൽ അറസ്റ്റ് ചെയ്ത് ജയിലിലടച്ചതായി പോലീസ് ഉദ്യോഗസ്ഥർ പറഞ്ഞു. റായിക്ക് ചില ആരോഗ്യപ്രശ്നങ്ങൾ ഉണ്ടെന്ന് പരാതിപ്പെടുകയും മാർച്ച് 7 ന് സർക്കാർ ആശുപത്രി സന്ദർശിക്കാൻ കോടതി അനുമതി നൽകുകയും ചെയ്തു.റായിയെ ആശുപത്രിയിൽ എത്തിക്കാനും വൈദ്യപരിശോധനയ്ക്ക് ശേഷം ജയിലിലേക്ക് തിരികെ കൊണ്ടുവരാനും പോലീസ് ഉദ്യോഗസ്ഥരെ വിന്യസിച്ചു.ആശുപത്രിയിൽ നിന്ന് മടങ്ങുമ്പോൾ കുറ്റാരോപിതരായ പോലീസുകാർ അദ്ദേഹത്തെ ഒരു ഷോപ്പിംഗ് മാളിലേക്ക് കൊണ്ടുപോകുകയായിരുന്നു.മാളിലെ റായിയുടെ വീഡിയോ സോഷ്യൽ മീഡിയയിൽ വൈറലായതിനെ തുടർന്ന് പോലീസ് ഉദ്യോഗസ്ഥർക്കെതിരെ അന്വേഷണത്തിന് ഉത്തരവിട്ടതായി അവർ പറഞ്ഞു.