രാജസ്ഥാനിലെ ഭിൽവാരയിൽ ബസ് മറിഞ്ഞ് 13 പേർക്ക് പരിക്ക്

ശനിയാഴ്ച രാജസ്ഥാനിലെ ഭിൽവാര ജില്ലയിൽ ബസ് മറിഞ്ഞ് 13 പേർക്ക് പരിക്കേറ്റു. ഷകർഗഡിൽ നിന്ന് ഭിൽവാരയിലെ ജഹാജ്പൂരിലേക്ക് പോവുകയായിരുന്ന സ്വകാര്യ ബസ് നഗരത്തിലെ ധോദ് വളവിൽ ബാലൻസ് തെറ്റി മറിഞ്ഞാണ് അപകടമുണ്ടായത്. പരിക്കേറ്റവരെല്ലാം ഭിൽവാര ജില്ലയിലെ ജഹാജ്പൂർ സബ്ഡിവിഷനൽ പ്രദേശവാസികളാണ്. പരിക്കേറ്റവർ ജഹാജ്പൂരിലെ കമ്മ്യൂണിറ്റി ഹെൽത്ത് സെന്ററിൽ ചികിത്സയിലാണ്. ഗുരുതരമായി പരിക്കേറ്റവരെ ഭിൽവാരയിലെ ജില്ലാ ആശുപത്രിയിലേക്ക് മാറ്റി.