യുവതി ഭർതൃവീട്ടിൽ തൂങ്ങി മരിച്ച നിലയിൽ; ദുരൂഹതയെന്ന് ബന്ധുക്കൾ

നെടുമങ്ങാട്: യുവതിയെ ഭർത്താവിന്റെ വീട്ടിൽ തൂങ്ങി മരിച്ച നിലയിൽ കണ്ടെത്തി. പനവൂർ പനയമുട്ടം തടത്തരികത്ത് വീട്ടിൽ അഭിരാമി (പാറു -22)യെയാണ് വ്യാഴാഴ്ച രാവിലെ വീടിന് പുറത്തെ ഗോവണിയിൽ തൂങ്ങി മരിച്ച നിലയിൽ കണ്ടെത്തിയത്. ഭർത്താവ് അയ്യപ്പൻ (ശരത്ത് 30) വീട്ടിലുള്ള സമയത്താണ് സംഭവം നടന്നത്. മരണത്തിൽ ദുരൂഹതയുണ്ടെന്ന് ബന്ധുക്കൾ ആരോപിച്ചു. ഇവർ തമ്മിൽ നിരന്തരം വഴക്കാണെന്ന് നാട്ടുകാർ പറയുന്നു. 

രണ്ടര വർഷം മുമ്പായിരുന്നു ഇവരുടെ വിവാഹം നടന്നത്. ദമ്പതികൾക്ക് ഒന്നര വയസ്സ് പ്രായമുള്ള ആൺ കുഞ്ഞുണ്ട്. പെയിന്റിങ് തൊഴിലാളിയാണ് ശരത്ത്.  അഭിരാമിയുടെ മരണത്തിലെ ദുരൂഹത അന്വേഷിക്കുമെന്ന് നെടുമങ്ങാട് പൊലീസ് അറിയിച്ചു.