എറണാകുളം: എറണാകുളം സൗത്ത് റെയിൽവേ സ്റ്റേഷനിൽ ട്രെയിനിനടിയിൽപ്പെട്ട് സ്ത്രീ മരിച്ചു. ഇന്ന് പുലർച്ചെ തിരുവനന്തപുരത്തേക്ക് പുറപ്പെടേണ്ട വഞ്ചിനാട് എക്സ്പ്രസിൽ കയറാൻ ശ്രമിക്കുന്നതിനിടെയാണ് അപകടമുണ്ടായത്. മരിച്ച സ്ത്രീയെ ഇതുവരെ തിരിച്ചറിഞ്ഞിട്ടില്ല.(Woman dies after being hit by train at Ernakulam South Railway Station)
പുലർച്ചെയാണ് സംഭവം, ഇവർ വഞ്ചിനാട് എക്സ്പ്രസിൽ കയറാൻ ശ്രമിക്കുകയായിരുന്നു. ഇതിനിടെ അപകടം ഉണ്ടാവുകയായിരുന്നുവെന്നാണ് വിവരം. അപകടത്തെത്തുടർന്ന് ട്രെയിൻ നിശ്ചിത സമയത്തേക്കാൾ ഒരു മണിക്കൂർ വൈകിയാണ് സ്റ്റേഷനിൽ നിന്നും പുറപ്പെട്ടത്.
