കൊച്ചി: വോട്ടെണ്ണലിന് മുന്നോടിയായി പി.വി. ശ്രീനിജിൻ എം.എൽ.എ സോഷ്യൽ മീഡിയയിൽ പങ്കുവെച്ച ‘554 വോട്ടിന് മുകളിൽ ഭൂരിപക്ഷം’ എന്ന കുറിപ്പിന്റെ പിന്നിലെ രഹസ്യം പുറത്ത്. ഈ അക്കത്തിന്റെ പൊരുൾ തേടിയവർക്ക് മറുപടിയുമായി അദ്ദേഹം തന്നെ രംഗത്തെത്തി.(What is 554? PV Sreenijin breaks the suspense, Expectations of a huge success)
വെറുമൊരു സംഖ്യയല്ല, മറിച്ച് ചില പ്രത്യേകതകൾ ചേർത്തുവെച്ചാണ് താൻ ‘554’ എന്ന നമ്പറിലെത്തിയതെന്ന് ശ്രീനിജിൻ വിശദീകരിക്കുന്നു. ആദ്യത്തെ ‘5’ കഴിഞ്ഞ അഞ്ച് വർഷം മണ്ഡലത്തിൽ നടത്തിയ വികസന പ്രവർത്തനങ്ങളിലും ജനങ്ങളിലുമുള്ള ആത്മവിശ്വാസം ആണ്. തന്റെ ജന്മദിനം അഞ്ചാം മാസം, അഞ്ചാം തീയതി ആയതിനാലാണ് രണ്ടാമത്തെ അഞ്ച് നൽകിയത്. വോട്ടെണ്ണൽ നടക്കുന്നത് മെയ് നാലാം തീയതിയായതിനാലാണ് അവസാനം നാല് ചേർത്തത്.
ഫേസ്ബുക്ക് പോസ്റ്റ് പ്രത്യക്ഷപ്പെട്ടതോടെ രാഷ്ട്രീയ കേന്ദ്രങ്ങളിലും സോഷ്യൽ മീഡിയയിലും ഇത് വലിയ ചർച്ചയായിരുന്നു. ഒരു ഭൂരിപക്ഷം പ്രവചിച്ചത് എന്തിന്റെ അടിസ്ഥാനത്തിലാണെന്നായിരുന്നു പ്രധാന ചോദ്യം. എന്നാൽ തന്റെ വിശ്വാസവും സാഹചര്യങ്ങളും കോർത്തിണക്കിയുള്ള ഒരു പ്രവചനം മാത്രമാണിതെന്ന് ശ്രീനിജിൻ വ്യക്തമാക്കുന്നു.
