കൽപ്പറ്റ: വയനാട് കള്ളാടി തുരങ്കപാത നിർമ്മാണ മേഖലയിലുണ്ടായ അതിശക്തമായ ഉരുൾപൊട്ടലിലും മണ്ണിടിച്ചിലിലും വൻ നാശനഷ്ടം. കള്ളാടി മീനാക്ഷി പാലത്തിന് സമീപമുണ്ടായ അപകടത്തിൽ ഒരു പള്ളിയും വീടും പൂർണ്ണമായി തകർന്നു. നിർമ്മാണ മേഖലയിലേക്ക് തൊഴിലാളികളെ എത്തിച്ച ബസ് മണ്ണും ചെളിയും കുത്തിയൊലിച്ച് വന്നതോടെ ഒലിച്ചുപോയി. പ്രദേശത്തെ ബസ് സ്റ്റോപ്പും പ്രധാന പാലവും പൂർണ്ണമായും മണ്ണിനടിയിലായ അവസ്ഥയിലാണ്.(Wayanad Kalladi Landslide Workers Bus Washed Away Bridge Endangered)
നിർമ്മാണത്തിനായി അശാസ്ത്രീയമായ രീതിയിൽ വൻതോതിൽ കൂട്ടിയിട്ടിരുന്ന മണ്ണാണ് കനത്ത മഴയിൽ ഒലിച്ചിറങ്ങിയതെന്ന് മന്ത്രി ടി. സിദ്ദിഖ് കുറ്റപ്പെടുത്തി. കൊങ്കൺ നിർമ്മാണ കമ്പനിക്ക് ഗുരുതര വീഴ്ച പറ്റിയെന്നും ഔദ്യോഗിക അപകട മുന്നറിയിപ്പുകൾ കമ്പനി അവഗണിച്ചെന്നും മന്ത്രി പറഞ്ഞു. ദുരന്തബാധിത പ്രദേശത്ത് ഇപ്പോഴും കനത്ത മഴ തുടരുന്നതും തകർന്ന പാലത്തിലൂടെ ഭാരമേറിയ യന്ത്രങ്ങൾ എത്തിക്കാൻ കഴിയാത്തതും രക്ഷാപ്രവർത്തനത്തെ പ്രതികൂലമായി ബാധിക്കുന്നുണ്ട്.
നിരവധി നിർമ്മാണ തൊഴിലാളികൾ ഇപ്പോഴും മണ്ണിനടിയിൽ കുടുങ്ങിക്കിടക്കുന്നതായാണ് സംശയം. മണ്ണിൽ നിന്നും രക്ഷപ്പെടുത്തിയ 6 അതിഥി തൊഴിലാളികളെ ആശുപത്രിയിൽ പ്രവേശിപ്പിച്ചു. ഇതിൽ ഒരാളുടെ നില ഗുരുതരമാണ്. ഹിര സുരേഷ്, ദിലീപ്, സൂരജ്, സഞ്ജയ് താപുർ, രജനീഷ്, തന്മയ് ഘോഷ് എന്നിവരാണ് ആശുപത്രിയിൽ ചികിത്സയിലുള്ളത്. കുന്നിൻ മുകളിൽ നിന്ന് കുത്തിയൊലിച്ച് വരുന്ന ചെളിവെള്ളത്തിന്റെ ഗതി തിരിച്ചുവിടാൻ ശ്രമിക്കുകയായിരുന്ന മൂന്ന് ഹിറ്റാച്ചികളും പത്തോളം തൊഴിലാളികളും അപകടസമയത്ത് അവിടെയുണ്ടായിരുന്നതായി പ്രദേശവാസികൾ പറയുന്നു.
പ്രദേശങ്ങളെ തമ്മിൽ ബന്ധിപ്പിക്കുന്ന മീനാക്ഷി പാലം പൂർണ്ണമായും മണ്ണുമൂടി തകർച്ചാ ഭീഷണിയിലാണ്. പാലം അപകടാവസ്ഥയിലായതോടെ ഗതാഗതം പൂർണ്ണമായി സ്തംഭിച്ചു. മേപ്പാടി, വെള്ളാർമല സ്കൂളുകളിൽ പഠിക്കുന്ന കുട്ടികൾ മേപ്പാടി ടൗണിലും അവരുടെ രക്ഷിതാക്കൾ പാലത്തിന് മറുഭാഗത്തുമാണ് കുടുങ്ങിക്കിടക്കുന്നത്. പരസ്പരം ബന്ധപ്പെടാൻ കഴിയാത്ത സാഹചര്യത്തിൽ അധ്യാപകരും രക്ഷിതാക്കളും വൻ ആശങ്കയിലാണ്. മീനങ്ങാടിയിൽ നിന്നും കോഴിക്കോട് നിന്നും ഉള്ള ദേശീയ ദുരന്തപ്രതികരണ സേന സംഘങ്ങളോട് അടിയന്തരമായി സംഭവസ്ഥലത്ത് എത്തിച്ചേരാൻ മുഖ്യമന്ത്രിയുടെ ഓഫീസ് നിർദേശം നൽകി.
Story Summary
A massive landslide near the Kalladi tunnel construction site in Wayanad washed away a workers’ bus and completely destroyed a mosque and a house. The vital Meenashi bridge and a bus stop are buried under debris, cutting off communication and stranding school children. Six injured migrant workers are undergoing treatment at Meppadi Moopens Medical College. While Minister T Siddique blamed Konkan Company’s unscientific soil piling, the company claimed it was a natural disaster. NDRF and fire force teams are struggling against heavy rain to clear the debris.
