ഇടുക്കി: മുൻ ജലവിഭവ വകുപ്പ് മന്ത്രി റോഷി അഗസ്റ്റിനെതിരെ വിജിലൻസ് അന്വേഷണം. മലങ്കര ടൂറിസം പദ്ധതിയുമായി ബന്ധപ്പെട്ട് 112 കോടി രൂപയുടെ ക്രമക്കേടെന്ന പരാതിയിലാണ് നടപടി. പുതിയ യുഡിഎഫ് സർക്കാർ അധികാരമേറ്റ് ദിവസങ്ങൾക്കുള്ളിലാണ് മുൻ മന്ത്രിക്കെതിരെ വിജിലൻസ് അന്വേഷണത്തിന് ഉത്തരവിട്ടിരിക്കുന്നത്.(Vigilance Probe Initiated Against Former Minister Roshy Augustine Over Malankara Tourism Project Scam)
ഇടുക്കി വിജിലൻസ് ഡിവൈഎസ്പിക്കാണ് അന്വേഷണത്തിന്റെ പൂർണ്ണ ചുമതല. കമ്പനിക്ക് മലങ്കര ടൂറിസം പദ്ധതിയുടെ കരാർ നൽകിയതിൽ വൻ ക്രമക്കേട് നടന്നു എന്നാണ് പ്രധാന ആരോപണം. മുട്ടം സ്വദേശി നൽകിയ പരാതിയുടെ അടിസ്ഥാനത്തിലാണ് വിജിലൻസ് കേസെടുത്ത് അന്വേഷണം ആരംഭിച്ചത്.
മുൻപും ഈ പദ്ധതിയുമായി ബന്ധപ്പെട്ട് രാഷ്ട്രീയ ആരോപണങ്ങൾ ഉയർന്നിരുന്നെങ്കിലും രേഖാമൂലം പരാതികൾ ഒന്നും ഉണ്ടായിരുന്നില്ല. എന്നാൽ ഇപ്പോൾ ഔദ്യോഗികമായി പരാതി ലഭിച്ചതോടെ സർക്കാർ കർശന നടപടിയിലേക്ക് കടക്കുകയായിരുന്നു. ഇടുക്കി ജില്ലയിലെ മലങ്കര ഡാം കേന്ദ്രീകരിച്ച് മലമ്പുഴ മോഡലിൽ വിനോദസഞ്ചാര വികസനം ലക്ഷ്യമിട്ട് ആവിഷ്കരിച്ച വൻകിട പദ്ധതിയാണിത്.
Story Summary
A vigilance probe has been initiated against former minister Roshy Augustine over an alleged financial fraud of Rs 112 crore in the Malankara Tourism Project. The investigation, led by Idukki Vigilance DYSP, follows a complaint alleging corruption in awarding the contract to a private firm. The UDF government, which assumed power just six days ago, has decided to take strict action if the former minister’s involvement is proven.
