തിരുവനന്തപുരം: വിമർശനങ്ങൾ നിലനിൽക്കെ, സംസ്ഥാന മുഖ്യമന്ത്രിയുടെ പുതിയ സെക്രട്ടറിയായി ഡോ. രത്തൻ യു. ഖേൽക്കർ ഇന്ന് ചുമതലയേൽക്കും. അവധി ദിവസമായിരുന്നിട്ടും മുഖ്യമന്ത്രിയുടെ പ്രത്യേക നിർദേശപ്രകാരമാണ് അദ്ദേഹം ഇന്ന് തന്നെ ഓഫിസിലെത്തി ചുമതലയേൽക്കുന്നത്.(Dr Rathan Kelkar Appointed As Secretary To Chief Minister VD Satheesan Amidst Controversy)
മുൻ മുഖ്യ തെരഞ്ഞെടുപ്പ് ഓഫീസറായിരുന്ന ഡോ. രത്തൻ ഖേൽക്കറെ മുഖ്യമന്ത്രി വി.ഡി. സതീശന്റെ സെക്രട്ടറിയായി നിയമിച്ചതിനെതിരെ സോഷ്യൽ മീഡിയയിലും രാഷ്ട്രീയ കേന്ദ്രങ്ങളിലും വലിയ രീതിയിലുള്ള വിമർശനങ്ങൾ ഉയർന്നിരുന്നു. നിയമസഭാ തെരഞ്ഞെടുപ്പിൽ യുഡിഎഫിനെ വിജയിപ്പിച്ചതിനുള്ള പ്രത്യുപകാരമാണ് ഈ നിയമനമെന്നാണ് ആരോപണം.
എന്നാൽ ഈ നിയമനത്തിൽ യാതൊരുവിധ രാഷ്ട്രീയവുമില്ലെന്നും കഴിവും കാര്യശേഷിയുമുള്ള മികച്ചൊരു ഉദ്യോഗസ്ഥനായതുകൊണ്ടാണ് അദ്ദേഹത്തെ ഈ പദവിയിലേക്ക് തിരഞ്ഞെടുത്തതെന്നും മന്ത്രിയും കെപിസിസി പ്രസിഡന്റുമായ സണ്ണി ജോസഫ് വ്യക്തമാക്കി.
Story Summary
Former Chief Electoral Officer Dr. Rathan U. Kelkar is set to take charge as the Secretary to Kerala Chief Minister V.D. Satheesan today amidst intense political controversy. While the opposition CPM terms the appointment as a reward for helping UDF win the elections, the ruling front defended it stating it is purely based on the officer’s efficiency.
