തിരുവനന്തപുരം: തിരഞ്ഞെടുപ്പ് കമ്മീഷനുമായി ബന്ധപ്പെട്ട വീഡിയോകൾ നീക്കം ചെയ്യാത്തതിനെത്തുടർന്ന് സോഷ്യൽ മീഡിയ പ്ലാറ്റ്ഫോമായ എക്സിനെതിരെ കേസെടുത്തു. തിരഞ്ഞെടുപ്പ് കമ്മീഷൻ നൽകിയ പരാതിയുടെ അടിസ്ഥാനത്തിൽ തിരുവനന്തപുരം സിറ്റി സൈബർ പോലീസാണ് നടപടിയെടുത്തത്.(Video not removed, Cyber police file case against X)
സംഭവത്തിൽ മുഖ്യ തിരഞ്ഞെടുപ്പ് കമ്മീഷണർ നേരത്തെ വിശദീകരണം നൽകിയിരുന്നു. ഇത് ഒരു സാങ്കേതിക പിഴവാണെന്നും ബന്ധപ്പെട്ട ഉദ്യോഗസ്ഥനെതിരെ നടപടിയെടുത്തതായും കമ്മീഷൻ വ്യക്തമാക്കിയിരുന്നു. എന്നാൽ, വ്യാജ വീഡിയോകൾ പ്രചരിപ്പിക്കുന്നുവെന്നാണ് തിരഞ്ഞെടുപ്പ് കമ്മീഷന്റെ പരാതി.
പരാതി ലഭിച്ച ഉടൻ തന്നെ സൈബർ പോലീസ് മെറ്റ, എക്സ് എന്നീ പ്ലാറ്റ്ഫോമുകൾക്ക് കത്ത് നൽകിയിരുന്നു. മെറ്റ ദൃശ്യങ്ങൾ നീക്കം ചെയ്തെങ്കിലും എക്സ് വീഡിയോകൾ നീക്കം ചെയ്യാൻ തയ്യാറായില്ല. നിർദ്ദേശം പാലിക്കാത്ത സാഹചര്യത്തിലാണ് എക്സിനെതിരെ പോലീസ് ഔദ്യോഗികമായി കേസെടുത്തത്.
