തിരുവനന്തപുരം: സംസ്ഥാനത്തിന്റെ സ്വപ്ന പദ്ധതികൾക്ക് ആവശ്യമായ എല്ലാ സഹായവും നൽകണമെന്ന് കേന്ദ്ര സർക്കാരിനോട് നേരിട്ട് അഭ്യർത്ഥിച്ചതായി മുഖ്യമന്ത്രി വി.ഡി. സതീശൻ (VD Satheesan ). ഡൽഹിയിൽ പ്രധാനമന്ത്രിയെയും കേന്ദ്ര ധനകാര്യ മന്ത്രിയെയും സന്ദർശിച്ച് കേരളത്തിന്റെ പദ്ധതികൾക്ക് പ്രത്യേകമായി സഹായം ആവശ്യപ്പെട്ടിട്ടുണ്ട്. സംസ്ഥാനത്തിന് അവകാശപ്പെട്ട കേന്ദ്ര സഹായങ്ങളും ഫണ്ടുകളും കൃത്യമായി ലഭ്യമാക്കാനായി പ്രതിപക്ഷത്തിന്റെ ഭാഗത്തുനിന്നും ശക്തമായ ഇടപെടൽ നടത്തുമെന്നും അദ്ദേഹം വ്യക്തമാക്കി.
സംസ്ഥാനത്തിന്റെ നിലവിലെ കടുത്ത സാമ്പത്തിക പ്രതിസന്ധിയും സന്പദ് വ്യവസ്ഥയുമായി ബന്ധപ്പെട്ട യഥാർത്ഥ വിവരങ്ങളും ജനങ്ങൾക്ക് മുന്നിലെത്തിക്കാൻ ജൂൺ ആദ്യവാരം തന്നെ പ്രതിപക്ഷം പ്രത്യേക ‘ധവളപത്രം’ (White Paper) പുറത്തിറക്കുമെന്നും വി.ഡി. സതീശൻ ഡൽഹിയിൽ നടത്തിയ വാർത്താസമ്മേളനത്തിൽ പ്രഖ്യാപിച്ചു.
സംസ്ഥാനത്തിന് കേന്ദ്രത്തിൽ നിന്ന് യഥാർത്ഥത്തിൽ കിട്ടേണ്ട പണം കൃത്യമായി ലഭിച്ചിട്ടുണ്ടോ എന്ന് സർക്കാർ പരിശോധിച്ചുവരികയാണെന്ന് അദ്ദേഹം പറഞ്ഞു. ധവളപത്രം പുറത്തിറക്കിയതിനു ശേഷം സാമ്പത്തിക കാര്യങ്ങളിലെ യഥാർത്ഥ ചിത്രം ബോധ്യപ്പെടുത്തും. ബജറ്റ് അവതരണത്തിന് മുൻപ് ഏതെങ്കിലും വകുപ്പുകൾക്ക് പണം ലഭിക്കാനുണ്ടോ എന്നതടക്കം പരിശോധിച്ച് ഉറപ്പുവരുത്തും. പി എം ശ്രീ (PM SHRI) പദ്ധതിയുടെ നിയമപരമായ കാര്യങ്ങൾ സർക്കാർ സൂക്ഷ്മമായി പരിശോധിക്കുന്നുണ്ടെന്നും അദ്ദേഹം കൂട്ടിച്ചേർത്തു.
