റിപ്പോർട്ട്: അൻവർ ഷരിഫ്
വാഴയൂർ പൊന്നെപ്പാടത്ത് ഇലക്ട്രിക് പോസ്റ്റ് പൊട്ടി വീണ് കെഎസ്ഇബി ലൈൻമാൻ ദാരുണമായി മരിച്ചു. കാരാട് എള്ളാത്തുറായി പൂവാട്ട് സുരേഷ് ബാബു (48) ആണ് മരിച്ചത്. മരം മുറിക്കുന്നതിനായി വൈദ്യുതി ലൈൻ അഴിച്ചുമാറ്റാൻ പോസ്റ്റിൽ കയറിയ സമയത്തായിരുന്നു അപകടം. ( Vazhayur KSEB Lineman Death)
ലൈൻ അഴിച്ചുമാറ്റാനായി സുരേഷ് ബാബു പോസ്റ്റിൽ കയറിയ ഉടൻ തന്നെ, പോസ്റ്റിന്റെ ബലക്ഷയമുള്ള അടിഭാഗം പൊട്ടുകയായിരുന്നു. പോസ്റ്റ് തൊട്ടടുത്തുള്ള മതിലിലേക്കാണ് വീണത്. വീഴ്ചയിൽ തലയ്ക്ക് ഗുരുതരമായി പരിക്കേറ്റ സുരേഷ് ബാബു സംഭവസ്ഥലത്തുവെച്ചുതന്നെ മരണപ്പെടുകയായിരുന്നു. കെഎസ്ഇബിയുടെ കരാർ ജീവനക്കാരനാണ് ഇദ്ദേഹം.
Summary: A 48-year-old KSEB lineman, Suresh Babu, died in a tragic accident at Ponnepadam, Vazhayur, after an electric post he climbed snapped at the base. The post fell onto a nearby wall while he was attempting to disconnect power lines for tree-cutting work, resulting in his immediate death. Authorities are currently investigating the circumstances surrounding the post’s sudden collapse.
