കോഴിക്കോട്: വടകരയിൽ സഹകരണ സൊസൈറ്റിയിലെ നിക്ഷേപം തിരികെ ലഭിക്കാത്തതിനെത്തുടർന്ന് വയോധികൻ ആത്മഹത്യ ചെയ്ത സംഭവത്തിൽ ആരോപണ വിധേയനായ ഡിസിസി സെക്രട്ടറി വി. സുധീർ കുമാറിനെതിരെ സിപിഎം രംഗത്ത്. ഇബ്രാഹിം കുട്ടി എന്ന വയോധികൻ സുധീർ കുമാറിന്റെ വീടിന് മുന്നിലെത്തി തീകൊളുത്തി മരിച്ച സംഭവത്തിൽ, സുധീർ കുമാറിനെതിരെ കൊലക്കുറ്റത്തിന് കേസെടുത്ത് ഉടൻ അറസ്റ്റ് ചെയ്യണമെന്ന് സിപിഎം കോഴിക്കോട് ജില്ലാ സെക്രട്ടറി എം. മഹബൂബ് ആവശ്യപ്പെട്ടു. ഇബ്രാഹിമിന് നീതി ലഭിക്കണമെന്നും അദ്ദേഹം കൂട്ടിച്ചേർത്തു.(Vatakara elderly man suicide case and political protest)
കടത്തനാട് ലേബർ സൊസൈറ്റി മുൻ പ്രസിഡന്റാണ് വി. സുധീർ കുമാർ. ഇദ്ദേഹത്തിന്റെ വീട്ടിലെത്തി ഇബ്രാഹിം കുട്ടി പെട്രോൾ ഒഴിച്ച് തീ കൊളുത്തുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഇബ്രാഹിം കുട്ടിയും കുടുംബവും സൊസൈറ്റിയിൽ 7.5 ലക്ഷം രൂപ നിക്ഷേപിച്ചിരുന്നു. മകളുടെ വിവാഹാവശ്യങ്ങൾക്കായി ഈ തുക പലതവണ തിരികെ ചോദിച്ചെങ്കിലും സൊസൈറ്റി അധികൃതർ നൽകാൻ തയ്യാറായില്ല.
Story Summary
An elderly man named Ibrahim Kutty committed suicide by setting himself on fire in front of the house of Congress leader V. Sudheer Kumar in Vatakara, after his deposit in a cooperative society was not returned. The CPM district secretary has now demanded that a murder case be registered against Sudheer Kumar, who is a former president of the society.
