ഇടുക്കി: കനത്ത മഴയെയും മണ്ണിടിച്ചിലിനെയും തുടർന്ന് വാഗമൺ-ഈരാറ്റുപേട്ട റോഡിൽ രാത്രികാല യാത്രയ്ക്ക് താൽക്കാലിക നിരോധനം ഏർപ്പെടുത്തി (Vagamon Erattupetta road night travel ban). കോട്ടയം ജില്ലാ കളക്ടറാണ് ഇതുസംബന്ധിച്ച ഉത്തരവിറക്കിയത്. ഇന്നലെ രാത്രി മുതൽ പ്രദേശത്ത് തുടരുന്ന ശക്തമായ മഴയെത്തുടർന്ന് റോഡിലേക്ക് വൻതോതിൽ മണ്ണും പാറക്കല്ലുകളും പതിക്കുകയായിരുന്നു.
കാര്യാട് – തീക്കോയി പാതയിലെ വലിയപാറ റോഡിലേക്ക് പതിച്ചതിനെ തുടർന്ന് ഗതാഗതം തടസ്സപ്പെട്ടിട്ടുണ്ട്. അപകടത്തിൽ ആളപായമൊന്നും റിപ്പോർട്ട് ചെയ്തിട്ടില്ല. റോഡിൽ വീണ വൻ പാറക്കല്ലുകൾ പൊട്ടിച്ചുമാറ്റി ഗതാഗതം പുനഃസ്ഥാപിക്കാനുള്ള ശ്രമങ്ങൾ പ്രദേശത്ത് ഊർജ്ജിതമായി നടന്നുവരികയാണ്. ഉച്ചവരെ നിയന്ത്രിത രീതിയിൽ വാഹനങ്ങൾ കടത്തിവിട്ടിരുന്നെങ്കിലും, രാത്രി സമയങ്ങളിൽ അപകടസാധ്യത വളരെയേറെയാണെന്ന വിലയിരുത്തലിന്റെ അടിസ്ഥാനത്തിലാണ് കളക്ടർ രാത്രികാല യാത്ര നിരോധിച്ചത്.
Story Summary:
Night travel on the Vagamon-Erattupetta route has been temporarily banned by the Kottayam District Collector following heavy rains and landslides. Major rockfalls reported on the Kariyad-Teekoy stretch caused traffic disruptions, and clearance operations are currently underway.
