തിരുവനന്തപുരം: കേരള നിയമസഭാ തെരഞ്ഞെടുപ്പിൽ യുഡിഎഫിന് ലഭിച്ച ചരിത്രവിജയം മതേതര കേരളത്തിന്റെ വിജയമാണെന്ന് പ്രതിപക്ഷ നേതാവ് വി.ഡി. സതീശൻ (Kerala Election Results 2026). ജനങ്ങൾ അർപ്പിച്ച വലിയ വിശ്വാസത്തിന് നന്ദി രേഖപ്പെടുത്തിയ അദ്ദേഹം, വരാനിരിക്കുന്നത് വികസനത്തിന്റെയും ജനക്ഷേമത്തിന്റെയും പുതുയുഗമാണെന്നും വാർത്താ സമ്മേളനത്തിൽ വ്യക്തമാക്കി.
“കോൺഗ്രസിന്റെ ചരിത്രത്തിലെ തന്നെ ഏറ്റവും തിളക്കമാർന്ന വിജയങ്ങളിൽ ഒന്നാണിത്. ഞങ്ങൾ നേരത്തെ പറഞ്ഞതുപോലെ കേരളം വിസ്മയങ്ങൾ കണ്ടു കഴിഞ്ഞു. ഇനി ജനങ്ങൾക്കായി ഒരു പുതുയുഗം ഒരുക്കുകയാണ് ഞങ്ങളുടെ ലക്ഷ്യം,” സതീശൻ പറഞ്ഞു. തികഞ്ഞ ഉത്തരവാദിത്ത ബോധത്തോടെയും വിനയത്തോടെയും യുഡിഎഫ് പ്രവർത്തിക്കുമെന്നും അദ്ദേഹം ജനങ്ങൾക്ക് ഉറപ്പുനൽകി.
മുഖ്യമന്ത്രി പദവിയെക്കുറിച്ചുള്ള മാധ്യമപ്രവർത്തകരുടെ ചോദ്യങ്ങൾക്ക്, ഹൈക്കമാൻഡ് ആണ് അന്തിമ തീരുമാനമെടുക്കുക എന്ന് അദ്ദേഹം മറുപടി നൽകി. ഇക്കാര്യത്തിൽ രണ്ട് ദിവസത്തിനകം കേന്ദ്ര നേതൃത്വത്തിന്റെ പ്രഖ്യാപനം ഉണ്ടാകുമെന്നും സതീശൻ കൂട്ടിചേർത്തു. ഭരണവിരുദ്ധ വികാരവും വികസന മുരടിപ്പും ചർച്ചയായ തെരഞ്ഞെടുപ്പിൽ യുഡിഎഫ് വൻ മുന്നേറ്റമാണ് കാഴ്ചവെച്ചത്.
Story Summary: The Congress-led UDF has achieved a historic victory in the 2026 Kerala Assembly elections, which V.D. Satheesan termed as a win for secularism. He promised a new era of governance for the people, noting that the party High Command will decide the next Chief Minister within two days.
