തിരുവനന്തപുരം: കേരളത്തിൽ പുതിയ സർക്കാർ രൂപീകരിക്കുന്നതിനുള്ള നടപടികൾ വേഗത്തിലാക്കി യുഡിഎഫ്. തങ്ങളുടെ വമ്പിച്ച വിജയത്തിന് ശേഷം, സർക്കാർ രൂപീകരണത്തിന് അവകാശവാദം ഉന്നയിക്കാൻ കെപിസിസി പ്രസിഡന്റ് സണ്ണി ജോസഫിന്റെ നേതൃത്വത്തിൽ ഇന്ന് വൈകിട്ട് മൂന്ന് മണിക്ക് യുഡിഎഫ് നേതാക്കൾ ഗവർണർ രാജേന്ദ്ര വിശ്വനാഥ് അർലേക്കറെ സന്ദർശിക്കും. 140 അംഗ നിയമസഭയിൽ 102 സീറ്റുകളുടെ മികച്ച ഭൂരിപക്ഷമാണ് യുഡിഎഫിന് ലഭിച്ചിട്ടുള്ളത്.(UDF Set To Form Government In Kerala Today)
ഇന്ന് ഉച്ചയ്ക്ക് ഒരു മണിക്ക് തിരുവനന്തപുരത്തെ കെപിസിസി ആസ്ഥാനമായ ഇന്ദിരാഭവനിൽ കോൺഗ്രസ് നിയമസഭാകക്ഷി ചേരാനുദ്ദേശിക്കുന്ന യോഗം വൈകിയേക്കാമെന്നും സൂചനയുണ്ട്. മുഖ്യമന്ത്രി ആരായിരിക്കുമെന്ന കാര്യത്തിൽ കോൺഗ്രസ് ഹൈക്കമാൻഡ് എടുത്ത അന്തിമ തീരുമാനം ഈ യോഗത്തിൽ ഔദ്യോഗികമായി പ്രഖ്യാപിക്കുമെന്ന് പ്രതീക്ഷിക്കുന്നു.
യോഗത്തിൽ പങ്കെടുക്കാനായി കോൺഗ്രസ് എംഎൽഎമാരോടും ഘടകകക്ഷി നേതാക്കളോടും തലസ്ഥാനത്ത് എത്താൻ നിർദ്ദേശം നൽകിയിട്ടുണ്ട്. എഐസിസി പ്രതിനിധികളായ ദീപ ദാസ് മുൻഷി, മുകുൾ വാസ്നിക്, അജയ് മാക്കൻ എന്നിവർ യോഗത്തിൽ പങ്കെടുക്കും. മുഖ്യമന്ത്രി സ്ഥാനത്തേക്ക് പരിഗണിക്കപ്പെടുന്ന വി.ഡി. സതീശൻ തിരുവനന്തപുരത്തേക്ക് പുറപ്പെട്ടു. രമേശ് ചെന്നിത്തലയും തിരുവനന്തപുരത്തുണ്ട്. കെ.സി. വേണുഗോപാൽ ഡൽഹിയിലെ ചർച്ചകൾക്ക് ശേഷം തിരുവനന്തപുരത്തേക്ക് മടങ്ങും. ഗവർണറുമായുള്ള കൂടിക്കാഴ്ച സർക്കാർ രൂപീകരണത്തിന്റെ ആദ്യപടിയാണ്. കെ സി വേണുഗോപാൽ രാഹുൽ ഗാന്ധിയുമായി കൂടിക്കാഴ്ച നടത്തിയിരുന്നു.
Story Summary
The UDF is set to formalize the government formation process in Kerala today, May 14, 2026. KPCC President Sunny Joseph and UDF leaders are scheduled to meet Governor Rajendra Vishwanath Arlekar at 3:00 PM to stake their claim to form the government, backed by a decisive majority of 102 seats. Following the critical Congress Legislative Party (CLP) meeting at 1:00 PM today, where the AICC leadership will announce the Chief Minister-designate, the coalition will shift its focus to the swearing-in preparations.
