കണ്ണൂർ: പാർട്ടിയിൽ തനിക്കെതിരെ ഗൂഢാലോചന നടന്നുവെന്ന് കെ.പി. മോഹനൻ. പി.കെ. പ്രവീണിനെയും തന്നെയും തമ്മിലടിപ്പിക്കാൻ പാർട്ടിക്കുള്ളിൽ ശ്രമങ്ങൾ നടന്നുവെന്ന് അദ്ദേഹം ആരോപിച്ചു. ഇത്തവണ താൻ മത്സരത്തിനില്ല എന്ന് നേരത്തെ പാർട്ടിയിൽ പറഞ്ഞുവെന്നും അദ്ദേഹം കൂട്ടിച്ചേർത്തു.(There was an attempt to bring clash, KP Mohanan reveals)
പി.കെ. പ്രവീണിനെ അവർ ഉയർത്തിക്കാട്ടി. എന്നാൽ സ്വന്തം കുടുംബത്തിൽ നിന്നൊരാളുടെ പേര് തനിക്ക് നിർദ്ദേശിക്കാൻ കഴിയില്ലായിരുന്നുവെന്നും കെ.പി. മോഹനൻ പറഞ്ഞു. അഞ്ച് തവണ മത്സരിക്കുകയും നാല് തവണ വിജയിക്കുകയും ഒരു തവണ മന്ത്രിയാവുകയും ചെയ്തു. ഇത്തവണ മത്സരത്തിനില്ലെന്ന് പാർട്ടിയെ അറിയിച്ചിരുന്നു. എന്നാൽ കഴിഞ്ഞ ഒന്നര വർഷമായി പാർട്ടിക്കുള്ളിലെ ഒരു വിഭാഗം തനിക്കെതിരെ തിരിഞ്ഞുവെന്നും താൻ മത്സരിക്കരുതെന്ന് അവർ പറഞ്ഞുവെന്നും അദ്ദേഹം വെളിപ്പെടുത്തി.
ആർജെഡിയിൽ തനിക്ക് അർഹമായ പരിഗണന ലഭിച്ചില്ലെന്ന പരാതിയും കെ.പി. മോഹനൻ ഉന്നയിച്ചു. പാർട്ടിക്കുള്ളിലെ ഗ്രൂപ്പ് പോരിനെക്കുറിച്ച് അദ്ദേഹത്തിൻ്റെ വെളിപ്പെടുത്തൽ ശ്രദ്ധ നേടുകയാണ്.
