ആംബുലൻസിൽ നിന്ന് തണ്ണീർ കൊമ്പനെ ഇറക്കാനായില്ല, കുഴഞ്ഞ് വീണശേഷം എഴുന്നേറ്റില്ല; ഇന്ന് പോസ്റ്റ്മോർട്ടം
![തണ്ണീർ കൊമ്പൻ ചരിഞ്ഞു; സംഭവം ബന്ദിപ്പൂരിലെത്തിച്ചശേഷം](https://timeskerala.com/static/c1e/client/91214/uploaded_original/864c6902c6a69719e5a4add42fb2f5bd.webp)
ബെംഗളൂരു: മാനന്തവാടിയിൽനിന്ന് മയക്കുവെടി വെച്ച് പിടികൂടി എലിഫന്റ് ആംബുലന്സില് ബന്ദിപ്പൂര് രാമപുരയിലെ ആന ക്യാമ്പിലെത്തിച്ചെങ്കിലും പെട്ടന്ന് കുഴഞ്ഞുവീഴുകയായിരുന്നുവെന്ന് അധികൃതര് അറിയിച്ചു. എലിഫന്റ് ആംബുലന്സ് രാമപുര ക്യാമ്പിലെത്തി നിര്ത്തിയപ്പോള് തന്നെ തണ്ണീര് കൊമ്പൻ കുഴഞ്ഞുവീഴുകയായിരുന്നുവെന്നും പുറത്തേക്ക് ഇറക്കാൻ കഴിഞ്ഞില്ലെന്നുമാണ് കര്ണാടക വനംവകുപ്പ് അധികൃതര് പറയുന്നത്. പിന്നീട് ആന എഴുന്നേറ്റില്ല. പിന്നീട് അല്പസമയത്തിനകം ചരിയുകയായിരുന്നു. പെട്ടെന്നുള്ള മരണകാരണത്തെക്കുറിച്ചുള്ള അന്വേഷണമാണിപ്പോള് പുരോഗമിക്കുന്നത്. ആനയ്ക്ക് ബാഹ്യമായ പരിക്കുകളോ ആരോഗ്യപ്രശ്നങ്ങളോ ഉണ്ടായിരുന്നില്ലെന്ന് അധികൃതര് പറയുമ്പോഴും 15മണിക്കൂറിലധികം വെള്ളം ലഭിക്കാതെ കഴിഞ്ഞതിന്റെ അസ്വസ്ഥതകള് ഉള്പ്പെടെയുണ്ടായിരുന്നിരിക്കാമെന്ന അഭിപ്രായങ്ങളും പുറത്തുവരുന്നുണ്ട്.
![](https://timeskerala.com/static/c1e/static/themes/16/91214/3752/images/New-Creative-.png)
ഉച്ചയോടെയായിരിക്കും ആനയുടെ പോസ്റ്റ് മോര്ട്ടം നടപടികൾ ആരംഭിക്കുക. ഇതിനുശേഷമായിരിക്കും യഥാര്ത്ഥ മരണ കാരണം അറിയാൻ കഴിയുക. പിടിച്ചുകൊണ്ടുപോയതിന്റെ ആശ്വാസത്തിലിരിക്കുമ്പോഴാണ് മാനന്തവാടിക്കാരെ കണ്ണീരിലാഴ്ത്തി തണ്ണീർകൊമ്പന്റെ മരണവാര്ത്തയെത്തുന്നത്.