അരുണാചലിൽ മരിച്ച ദമ്പതികളുടെയും സുഹൃത്തിന്‍റെയും മൃതദേഹങ്ങൾ നാട്ടിലെത്തിച്ചു
Updated: Apr 4, 2024, 17:45 IST
തിരുവനന്തപുരം: അരുണാചൽ പ്രദേശിൽ ഹോട്ടൽ മുറിയിൽ മരിച്ച നിലയിൽ കണ്ടെത്തിയ നവീൻ-ദേവി ദമ്പതികളുടെയും സുഹൃത്തായ ആര്യയുടെയും മൃതദേഹങ്ങൾ തിരുവനന്തപുരത്ത് എത്തിച്ചു. ഇന്ന് ഉച്ചയ്ക്ക് 12.20 ഓടെയാണ് മൃതദേഹങ്ങൾ തിരുവനന്തപുരം വിമാനത്താവളത്തിൽ എത്തിയത്. തുടർന്ന് ആശുപത്രിയിലേക്ക് കൊണ്ടുപോവുകയും എംബാം നടപടികൾ പൂർത്തിയാക്കുകയും ചെയ്തു. ശേഷം ആര്യയുടെയും ദേവിയുടെയു മൃതദേഹം തിരുവനന്തപുരത്തെ വീടുകളിൽ എത്തിച്ചു. ആര്യയുടെയും ദേവിയുടെയും മൃതദേഹങ്ങൾ ശാന്തികവാടത്തിൽ സംസ്കരിക്കും. നവീന്‍റെ മൃതദേഹം കോട്ടയത്തെ വീട്ടിലേക്കും കൊണ്ടുപോകും.