അതിഥി തൊഴിലാളിയുടെ ആക്രമണം; പോലീസ് ഉദ്യോഗസ്ഥന് പരിക്ക്
![അതിഥി തൊഴിലാളിയുടെ ആക്രമണം; പോലീസ് ഉദ്യോഗസ്ഥന് പരിക്ക്](https://timeskerala.com/static/c1e/client/91214/uploaded/a5471a598d83ee81d1240ea2ffd1d35e.webp)
ആലുവ: മദ്യലഹരിയിൽ അതിഥി തൊഴിലാളി നടത്തിയ ആക്രമണത്തിൽ പോലീസ് ഉദ്യേഗസ്ഥന് പരിക്കേറ്റു. വ്യാഴാഴ്ച രാത്രി എട്ടിന് നടന്ന സംഭവത്തിൽ ആലുവ പോലീസ് സ്റ്റേഷനിലെ സിവില് പോലീസ് ഓഫീസര് രാജേഷിനാണ് പരിക്കേറ്റത്. ചെവിക്ക് പരിക്കേറ്റ സിവില് പോലീസ് ഓഫീസര് രാജേഷിനെ ആലുവ രാജഗിരി ആശുപത്രിയിൽ പ്രവേശിപ്പിച്ചു.
![](https://timeskerala.com/static/c1e/static/themes/16/91214/3752/images/New-Creative-.png)
സംഭവത്തിൽ ബംഗാള് സ്വദേശിയായ യുവാവിനെ പോലീസ് പിടികൂടിയിട്ടുണ്ട്. ആലുവ ജലശുദ്ധീകരണശാലയ്ക്ക് സമീപത്തെ അപ്പാര്ട്ട്മെന്റില് പാര്ക്ക് ചെയ്തിരുന്ന കാറുകള്ക്ക് നേരെ ബംഗാള് സ്വദേശിയായ യുവാവ് കല്ലെറിഞ്ഞ സംഭവമറിഞ്ഞ് പോലീസ് സ്ഥലത്തെത്തി. കൈയില് കല്ലുമായി നിന്ന യുവാവിനെ പിടികൂടാന് ശ്രമിച്ച പോലീസുകാരേയും പ്രതി ആക്രമിച്ചു.