Times Kerala

 സ്റ്റെം  സ്‌കോളര്‍ഷിപ്പുകള്‍ ബ്രിട്ടീഷ് കൗണ്‍സില്‍ പ്രഖ്യാപിച്ചു

 
 സ്റ്റെം  സ്‌കോളര്‍ഷിപ്പുകള്‍ ബ്രിട്ടീഷ് കൗണ്‍സില്‍ പ്രഖ്യാപിച്ചു
 

കൊച്ചി: വിദ്യാഭ്യാസ അവസരങ്ങള്‍ക്കും സാംസ്‌കാരിക ബന്ധങ്ങള്‍ക്കും വേണ്ടിയുള്ള യുകെയുടെ അന്താരാഷ്ട്ര സംഘടനയായ ബ്രിട്ടീഷ് കൗണ്‍സില്‍, സ്റ്റെമിലെ വനിതകള്‍ക്കുള്ള ബ്രിട്ടീഷ് കൗണ്‍സില്‍ സ്‌കോളര്‍ഷിപ്പുകളുടെ മൂന്നാം ഭാഗം പ്രഖ്യാപിച്ചു. 26 സ്‌കോളര്‍ഷിപ്പുകളും ഫെല്ലോഷിപ്പുകളും ഇന്ത്യയില്‍ നിന്നും മറ്റ് ദക്ഷിണേഷ്യന്‍ രാജ്യങ്ങളില്‍ നിന്നുമുള്ള വനിതാ സ്റ്റെം  സ്‌കോളര്‍മാര്‍ക്കായി നീക്കിവച്ചിരിക്കുന്നു, രാജ്യത്തിന്റെ പ്രത്യേക പരിധിയില്ലാതെ മെറിറ്റ് അടിസ്ഥാനത്തിലാണ് ഇവ നല്‍കപ്പെടുന്നത്. യുകെയിലെ കവന്‍ട്രി യൂണിവേഴ്‌സിറ്റി, യൂണിവേഴ്‌സിറ്റി ഓഫ് ബാത്ത്, യൂണിവേഴ്‌സിറ്റി ഓഫ് മാഞ്ചസ്റ്റര്‍, യൂണിവേഴ്‌സിറ്റി ഓഫ് സൗത്ത്ഹാംപ്ടണ്‍, ഇംപീരിയല്‍ കോളേജ് ലണ്ടന്‍, ദി യൂണിവേഴ്‌സിറ്റി ഓഫ് എഡിന്‍ബര്‍ഗ് എന്നീ 6 ഉന്നത വിദ്യാഭ്യാസ സ്ഥാപനങ്ങളിലായാണ് ഇവ. തിരഞ്ഞെടുത്ത വനിതാ സ്‌കോളര്‍മാര്‍ക്ക് സ്റ്റെമില്‍ കരിയര്‍ വികസിപ്പിക്കാനും യുകെയിലെ പ്രശസ്തമായ സ്റ്റെം മേഖലകളിലെ വൈദഗ്ധ്യം, തങ്ങളുടെ മാതൃരാജ്യത്ത് ഗവേഷണവും നവീകരണവും പ്രോത്സാഹിപ്പിക്കുന്നതിന് അവരെ പ്രാപ്തരാക്കാനും ഈ സ്‌കോളര്‍ഷിപ്പുകള്‍ സഹായിക്കും.

ഇന്ത്യയില്‍ നിന്നുള്ള തിരഞ്ഞെടുക്കപ്പെട്ട സ്‌കോളര്‍മാര്‍ക്ക് യുകെയിലെ സര്‍വകലാശാലയില്‍ നിന്ന് ബിരുദാനന്തര ബിരുദമോ ഒരു ഏര്‍ലി അക്കാദമിക് ഫെല്ലോഷിപ്പോ നേടാനാകും. കൂടാതെ ട്യൂഷന്‍ ഫീസ്, സ്‌റ്റൈപ്പന്‍ഡ്, യാത്രാ ചെലവുകള്‍, വിസ, ആരോഗ്യ പരിരക്ഷാ ഫീസ്, അമ്മമാര്‍ക്കുള്ള പ്രത്യേക പിന്തുണ, ഇംഗ്ലീഷ് ഭാഷാ പിന്തുണ എന്നിവ സ്‌കോളര്‍ഷിപ്പില്‍ ഉള്‍ക്കൊള്ളുന്നു. പൂര്‍വവിദ്യാര്‍ഥി നെറ്റ്വര്‍ക്കിലെ സജീവമായ ഇടപഴകലിലൂടെ യുകെയുമായി ബന്ധപ്പെടാനും സ്റ്റെമിലെ അടുത്ത തലമുറയിലെ സ്ത്രീകള്‍ക്ക് പ്രചോദനം പകരാനും ഈ സ്‌കോളര്‍ഷിപ്പുകള്‍ സ്‌കോളര്‍മാര്‍ക്ക് ഒരു ദീര്‍ഘകാലത്തേക്കുള്ള പ്ലാറ്റ്ഫോം നല്‍കും.

'സ്ത്രീകളുടെ പ്രവേശനക്ഷമത വര്‍ദ്ധിപ്പിക്കുന്നതിലൂടെ ശാസ്ത്ര-സാങ്കേതിക മേഖലകള്‍ക്ക് കൂടുതല്‍ നേട്ടമുണ്ടാകുമെന്ന് ബ്രിട്ടീഷ് കൗണ്‍സിലില്‍ ഞങ്ങള്‍ വിശ്വസിക്കുന്നു. ഈ സ്‌കോളര്‍ഷിപ്പുകള്‍ ഈ മേഖലകളിലേക്ക് പ്രഗത്ഭരായ സ്ത്രീകളുടെ അതിശയിപ്പിക്കുന്ന സര്‍ഗ്ഗശേഷിയും നൂതനത്വവും അതുല്യമായ വീക്ഷണവും കൊണ്ടുവരും, അങ്ങനെ അത് സമ്പന്നവും കൂടുതല്‍ ഉല്‍പ്പാദനക്ഷമവുമാക്കുന്നു. യുകെയുടെ പ്രശസ്തമായ റിസര്‍ച്ച് പെഡഗോഗി, അത്യാധുനിക സൗകര്യങ്ങള്‍, നൂതന സാങ്കേതികവിദ്യകള്‍ എന്നിവയിലേക്കുള്ള പ്രവേശനം പങ്കിട്ടുകൊണ്ട് കൂടുതല്‍ സ്ത്രീകളെ സ്റ്റെം മേഖലകളിലെ കരിയറിലേക്കുള്ള അവരുടെ യാത്ര ആരംഭിക്കാന്‍ പ്രാപ്തരാക്കുന്നതില്‍ ഞങ്ങള്‍ക്ക് സന്തോഷമുണ്ട്. അതിന് അവരുടെ പഠനത്തെ പരിവര്‍ത്തനം ചെയ്യാനും അവസരങ്ങളുടെ മേഖല വികസിപ്പിക്കാനും കഴിയും. കഴിഞ്ഞ ഏതാനും വര്‍ഷങ്ങളായി, ലോകത്തിലെ മുന്‍നിര വിദ്യാഭ്യാസം നേടുന്നതിനും സാധ്യതകളില്‍ എത്തിച്ചേരുന്നതിനും 200-ലധികം ഇന്ത്യന്‍ വനിതകളെ ഞങ്ങള്‍ പിന്തുണച്ചിട്ടുണ്ട്. കൂടാതെ മെച്ചപ്പെട്ട ഭാവി സൃഷ്ടിക്കുന്നതിനും മറ്റുള്ളവരെ ഈ പ്രവര്‍ത്തനത്തിന് പ്രചോദിപ്പിക്കുന്നതിനും സ്ത്രീകളെ പിന്തുണയ്ക്കുന്നതിനായി കൂടുതല്‍ കാര്യങ്ങള്‍ ചേര്‍ക്കുന്നത് തുടരുന്നതിന് ഞങ്ങള്‍ ലക്ഷ്യമിടുന്നു.'' റിത്തിക ചന്ദ പാറുക്ക്, ഡയറക്ടര്‍ എജ്യുക്കേഷന്‍, ബ്രിട്ടീഷ് കൗണ്‍സില്‍ ഇന്ത്യ പറഞ്ഞു.

''ബ്രിട്ടീഷ് കൗണ്‍സിലിന്റെ സ്റ്റെം സ്‌കോളര്‍ഷിപ്പ് ലഭിച്ചത് എന്റെ ജീവിതത്തില്‍ വലിയ സ്വാധീനം ചെലുത്തിയിട്ടുണ്ട്. പുതിയ ആളുകളെ കണ്ടുമുട്ടുക, ഒരു പുതിയ സംസ്‌കാരം അനുഭവിച്ചറിയുക, ഒരു തുറന്ന ലോക വീക്ഷണം വളര്‍ത്തുക, ഉയര്‍ന്ന അംഗീകാരമുള്ള ഒരു സര്‍വകലാശാലയില്‍ നിന്ന് ആഗോള തലത്തിലുള്ള യോഗ്യതകള്‍ നേടുക എന്നിവയിലൂടെ ഈ സ്‌കോളര്‍ഷിപ്പ് തൃപ്തികരമായ ഒരു പ്രൊഫഷണല്‍ കരിയറിലേക്ക് വഴിയൊരുക്കുമെന്ന് എനിക്ക് ഉറപ്പുണ്ട്. ഈ അവസരം പരമാവധി പ്രയോജനപ്പെടുത്താന്‍ ഞാന്‍ ലക്ഷ്യമിടുന്നു, ഈ വര്‍ഷം കൂടുതല്‍ സ്ത്രീകള്‍ക്ക് ഈ അവസരം ലഭ്യമായിട്ടുണ്ട് എന്ന് അറിയുന്നതില്‍ ഏറെ ആവേശമുണ്ട്.'' മാഞ്ചസ്റ്റര്‍ സര്‍വകലാശാലയില്‍ പൊല്യൂഷന്‍  ആന്‍ഡ് എന്‍വയോണ്‍മെന്റല്‍ കണ്‍ട്രോളില്‍ എംഎസ്സി പഠിക്കുന്ന മുംബൈയില്‍ നിന്നുള്ള ബ്രിട്ടീഷ് കൗണ്‍സിലിന്റെ സ്‌കോളര്‍ഷിപ്പ് ജേതാവ് പ്രജക്ത കുംഭാര്‍ പറഞ്ഞു.

സ്‌കോളര്‍ഷിപ്പിനുള്ള യോഗ്യതാ മാനദണ്ഡങ്ങളെ കുറിച്ചുള്ള കൂടുതല്‍ വിവരങ്ങള്‍ക്കും പങ്കെടുക്കുന്ന യുകെ സര്‍വകലാശാലകളുടെ പൂര്‍ണ്ണമായ പട്ടിക, ലഭ്യമായ കോഴ്സുകള്‍, യൂണിവേഴ്സിറ്റി-നിര്‍ദ്ദിഷ്ട സമയപരിധി എന്നിവ ഉള്‍പ്പെടെയുള്ള മറ്റ് വിവരങ്ങള്‍ക്കും വേണ്ടി www.britishcouncil.org/study-work-abroad/in-uk/scholarship-women-stem സന്ദര്‍ശിക്കുക.

Related Topics

Share this story