പൂന്തുറയിൽ കടലാക്രമണം; മൂന്ന് കുടുംബങ്ങളെ മാറ്റിപ്പാർപ്പിച്ചു
May 5, 2024, 07:20 IST
![പൂന്തുറയിൽ കടലാക്രമണം; മൂന്ന് കുടുംബങ്ങളെ മാറ്റിപ്പാർപ്പിച്ചു](https://timeskerala.com/static/c1e/client/91214/uploaded/1792cc4c9157bc75a292d8a4181747cd.jpg)
തിരുവനന്തപുരം: തലസ്ഥാനത്തിന്റെ തീരപ്രദേശത്ത് കടലാക്രമണം. ശനിയാഴ്ച രാത്രിയോടെ പൂന്തുറയിലാണ് കടലാക്രമണമുണ്ടായത്. രാത്രിയോടെ കടൽ തീരത്തെ റോഡിലേക്ക് കയറുകയായിരുന്നു. ശക്തമായ തിരമാലയിൽ പ്രദേശത്തെ വീടുകളിലേക്ക് വെള്ളം കയറുകയും ചെയ്തു.
തുടർന്ന് പ്രദേശത്തെ മൂന്ന് വീടുകളിലുള്ളവരെ ഒഴിപ്പിച്ചു. ഇവരെ ബന്ധുവീടുകളിലേക്കാണ് മാറ്റിപ്പാർപ്പിച്ചത്. നിലവിൽ കടൽ ശാന്തമാണെന്നാണ് വിവരം.
![](https://timeskerala.com/static/c1e/static/themes/16/91214/3752/images/New-Creative-.png)
ഇന്ന് അർധരാത്രി വരെ കള്ളക്കടൽ പ്രതിഭാസത്തിന്റെ ഭാഗമായ മുന്നറിയിപ്പ് കേരളത്തിൽ നിലനിൽക്കുന്നുണ്ട്.