കോഴിക്കോട്: സൗദിയിൽ ജയിലിൽ കഴിഞ്ഞിരുന്ന കോഴിക്കോട് സ്വദേശി അബ്ദുൾ റഹീമിന്റെ ശിക്ഷാ കാലാവധി ഇന്ന് അവസാനിക്കുന്നു. വധശിക്ഷയിൽ നിന്ന് ഒഴിവാക്കപ്പെട്ടതിന് പിന്നാലെ മറ്റ് കുറ്റങ്ങൾക്കായി കോടതി വിധിച്ച തടവുശിക്ഷയാണ് ഇന്ന് പൂർത്തിയാകുന്നത്. പെരുന്നാൾ അവധിക്ക് മുൻപായി റഹീമിനെ ജയിൽ മോചിതനാക്കാനുള്ള നിയമപരമായ നടപടിക്രമങ്ങൾ പൂർത്തിയാക്കാനുള്ള ഊർജ്ജിത ശ്രമത്തിലാണ് കുടുംബവും റിയാദിലെ നിയമസഹായ സമിതിയും.(Saudi Jail Term of Abdul Rahim Ends Today Blood Money Released Kozhikode Native Prepares For Homecoming)
സൗദി ബാലന്റെ മരണവുമായി ബന്ധപ്പെട്ട് 2006 നവംബറിലാണ് അബ്ദുൽ റഹീം അറസ്റ്റിലാകുന്നത്. 2012-ൽ കോടതി വധശിക്ഷ വിധിച്ചെങ്കിലും ലോകമെമ്പാടുമുള്ള മലയാളികൾ ഒന്നടങ്കം കൈകോർത്ത് സമാഹരിച്ച 34 കോടി രൂപ ദിയാധനമായി നൽകിയതോടെയാണ് വധശിക്ഷ റദ്ദാക്കപ്പെട്ടത്. തുടർന്ന് മറ്റ് വകുപ്പുകളിലായി കോടതി വിധിച്ച തടവുശിക്ഷയാണ് 19-ാം തീയതിയായ ഇന്ന് അവസാനിക്കുന്നത്.
റഹീമിന്റെ മോചനത്തിനായി രൂപീകരിച്ച ജനകീയ പങ്കാളിത്ത ഫണ്ടിൽ നിന്ന് ദിയാധനം കൈമാറിയ ശേഷവും പതിനൊന്നരക്കോടിയോളം രൂപ ബാക്കിയുണ്ടെന്നാണ് വിവരം. റഹീം നാട്ടിൽ തിരിച്ചെത്തിയ ശേഷം കമ്മിറ്റി യോഗം ചേർന്ന് ഈ തുക എന്ത് ചെയ്യണമെന്ന കാര്യത്തിൽ അന്തിമ തീരുമാനമെടുക്കുമെന്ന് ആക്ഷൻ കമ്മിറ്റി ഭാരവാഹികൾ വ്യക്തമാക്കി.
Story Summary
The prison term of Abdul Rahim, a native of Kozhikode jailed in Saudi Arabia, concludes today (May 19). Following the cancellation of his death sentence through a historic Rs 34 crore blood money collection by Malayalis, his family and the legal aid committee are fast-tracking release procedures before the upcoming Eid holidays.
