തൃശ്ശൂർ: ജില്ലയിൽ അതിതീവ്ര മഴ തുടരുന്ന സാഹചര്യത്തിൽ പൊരിങ്ങൽക്കുത്ത് ഡാം തുറക്കാൻ തൃശ്ശൂർ ജില്ലാ കളക്ടർ ഉത്തരവിറക്കി. ഡാമിന്റെ വൃഷ്ടിപ്രദേശങ്ങളിൽ ശക്തമായ മഴ തുടരുന്നതിനാലും കേന്ദ്ര കാലാവസ്ഥാ വകുപ്പ് ജില്ലയിൽ റെഡ് അലർട്ട് പ്രവചിച്ചിരിക്കുന്നതിനാലും ഡാമിലെ ജലനിരപ്പ് ക്രമാതീതമായി ഉയർന്ന പശ്ചാത്തലത്തിലാണ് നടപടി.(Poringalkuthu Dam Shutters To Open Chalakudy River High Alert Issued)
ഓഗസ്റ്റ് 1 ഉച്ചയ്ക്ക് 12 മണിയിലെ കണക്കനുസരിച്ച് ഡാമിലെ ജലനിരപ്പ് 421.00 മീറ്ററിലെത്തിയിട്ടുണ്ട്. ജലനിരപ്പ് 422.00 മീറ്ററിലെത്തുന്ന അടിയന്തര സാഹചര്യത്തിൽ മാത്രം സ്ലൂയിസ് വാൽവുകൾ ഘട്ടം ഘട്ടമായി തുറക്കാനാണ് ജില്ലാ കളക്ടർ അനുമതി നൽകിയിരിക്കുന്നത്. ഡാം തുറന്ന് അധികജലം ഒഴുകിയെത്തുന്നതോടെ ചാലക്കുടി പുഴയിലെ ജലനിരപ്പ് ഉയരാൻ സാധ്യതയുണ്ട്. അതിനാൽ പുഴയുടെ തീരത്തുള്ളവർ കടുത്ത ജാഗ്രത പാലിക്കണമെന്ന് ജില്ലാ ദുരന്തനിവാരണ അതോറിറ്റി മുന്നറിയിപ്പ് നൽകി.
അടിയന്തര സാഹചര്യം നേരിടാൻ ദുരിതാശ്വാസ ക്യാമ്പുകൾ സജ്ജമാക്കാൻ ബന്ധപ്പെട്ട വകുപ്പുകൾക്ക് നിർദ്ദേശം നൽകിയിട്ടുണ്ട്. കൂടാതെ പുഴയുടെ തീരത്തുള്ള വിനോദസഞ്ചാര കേന്ദ്രങ്ങളിൽ സുരക്ഷയും നിയന്ത്രണങ്ങളും ശക്തമാക്കാൻ ചാലക്കുടി, വാഴച്ചാൽ ഡിവിഷണൽ ഫോറസ്റ്റ് ഓഫീസർമാർക്ക് കളക്ടർ ഉത്തരവ് നൽകി.
Story Summary
Thrissur District Collector has issued an order to open the sluice valves of Poringalkuthu Dam in phases if the water level reaches 422 meters amidst heavy rainfall and a Red Alert forecast. High alert has been issued for people living along the Chalakudy River, with strict bans on bathing, fishing, and photography near the riverbanks.
