തിരുവനന്തപുരം: സെൻട്രൽ സ്റ്റേഡിയത്തിൽ നടക്കുന്ന പുതിയ യുഡിഎഫ് സർക്കാരിന്റെ സത്യപ്രതിജ്ഞാ ചടങ്ങിൽ ഓർത്തഡോക്സ് സഭയുടെ ഔദ്യോഗിക പ്രതിനിധികൾ പങ്കെടുക്കും. പുതിയ സർക്കാരിന്റെ പ്രത്യേക ക്ഷണം സ്വീകരിച്ചാണ് സഭാ നേതൃത്വം ചടങ്ങിനെത്തുന്നത്. തിരുവനന്തപുരം ഭദ്രാസന സഹായ മെത്രാപ്പോലീത്ത ഡോ. ഗീവർഗീസ് മാർ യൂലിയോസ്, സഭാ വൈദിക ട്രസ്റ്റി ഫാ.ഡോ. തോമസ് വർഗീസ് അമയിൽ, സഭാ അൽമായ ട്രസ്റ്റി റോണി വർഗീസ് ഏബ്രഹാം, അസോസിയേഷൻ സെക്രട്ടറി അഡ്വ. ബിജു ഉമ്മൻ എന്നിവർ ഓർത്തഡോക്സ് സഭയെ പ്രതിനിധീകരിച്ച് സത്യപ്രതിജ്ഞാ ചടങ്ങിൽ സന്നിഹിതരാകും.(Orthodox Church Leaders To Attend Kerala UDF Government Oath Ceremony Central Stadium)
വർഷങ്ങൾക്ക് ശേഷമുള്ള യുഡിഎഫിന്റെ ഭരണത്തിലേക്കുള്ള മടങ്ങിവരവ് വൻ ആഘോഷമാക്കാനുള്ള ഒരുക്കത്തിലാണ് കോൺഗ്രസ് നേതൃത്വവും പ്രവർത്തകരും. സത്യപ്രതിജ്ഞ നടക്കുന്ന സെൻട്രൽ സ്റ്റേഡിയത്തിൽ കൂറ്റൻ പന്തലാണ് സജ്ജീകരിച്ചിരിക്കുന്നത്.
കനത്ത സുരക്ഷയും നിയന്ത്രണങ്ങളുമുള്ളതിനാൽ രാവിലെ 9 മണി വരെ മാത്രമായിരിക്കും സ്റ്റേഡിയത്തിലേക്ക് പൊതുജനങ്ങൾക്ക് പ്രവേശനം അനുവദിക്കുക. ചടങ്ങുകൾ തത്സമയം കാണുന്നതിനായി സ്റ്റേഡിയത്തിന് പുറത്തും നഗരത്തിന്റെ വിവിധ ഭാഗങ്ങളിലും വിപുലമായ ബിഗ് സ്ക്രീൻ സംവിധാനങ്ങളും ഒരുക്കിയിട്ടുണ്ട്.
Story Summary
The Orthodox Church leadership will attend the official oath-taking ceremony of the new UDF government in Thiruvananthapuram. Over 50,000 people are expected to gather at the Central Stadium, where massive arrangements and big screens have been set up for the event.
