ന്യൂഡൽഹി: ഡൽഹിയിൽ വിദ്യാർത്ഥി മാർച്ചിന് നേരെ പോലീസ് നടത്തിയ ലാത്തിച്ചാർജിൽ പ്രതിഷേധിച്ച് പ്രധാനമന്ത്രിയുടെ വസതിക്ക് മുന്നിൽ ധർണ നടത്തിയ ലോക്സഭാ പ്രതിപക്ഷ നേതാവ് രാഹുൽ ഗാന്ധി അറസ്റ്റിൽ (Rahul gandhi arrested delhi). എഐസിസി പ്രസിഡന്റ് മല്ലികാർജുൻ ഖാർഗെ, പ്രിയങ്ക ഗാന്ധി തുടങ്ങിയ പ്രമുഖ നേതാക്കൾക്കൊപ്പം പ്രതിഷേധിക്കുന്നതിനിടെയാണ് ഡൽഹി പോലീസ് ബലം പ്രയോഗിച്ച് ഇവരെ അറസ്റ്റ് ചെയ്ത് നീക്കിയത്.
പാർലമെന്റ് മാർച്ചിൽ പങ്കെടുത്ത വിദ്യാർത്ഥികളെ പോലീസ് അതിക്രൂരമായി അടിച്ചമർത്തിയതിൽ പ്രതിഷേധിച്ചാണ് മുതിർന്ന കോൺഗ്രസ് നേതാക്കൾ പ്രധാനമന്ത്രിയുടെ വസതിക്ക് മുന്നിലേക്ക് മാർച്ച് നടത്തിയത്. രാത്രിയിലും ധർണ തുടരാൻ തീരുമാനിച്ചതിനിടെയാണ് വൻ പോലീസ് വ്യൂഹം സ്ഥലത്തെത്തി നേതാക്കളെ അറസ്റ്റ് ചെയ്തത്.
പോലീസ് നടപടിക്കെതിരെ സ്ഥലത്ത് വലിയ രീതിയിലുള്ള പ്രതിഷേധമാണ് ഉയർന്നത്. മലയാളികളായ ഡീൻ കുര്യാക്കോസ് ഉൾപ്പെടെയുള്ള എംപിമാരെയും മറ്റ് ജനപ്രതിനിധികളെയും നേരത്തെ തന്നെ പോലീസ് കസ്റ്റഡിയിലെടുത്തിരുന്നു. ജനാധിപത്യപരമായ പ്രതിഷേധങ്ങളെ അടിച്ചമർത്താനാണ് കേന്ദ്ര സർക്കാർ ശ്രമിക്കുന്നതെന്ന് കോൺഗ്രസ് നേതൃത്വം കുറ്റപ്പെടുത്തി.
Story Summary:
Congress leaders Rahul Gandhi, Mallikarjun Kharge, and Priyanka Gandhi were forcibly arrested by Delhi Police while staging a protest outside the Prime Minister’s residence. The protest was called against the police lathicharge on students during their recent Parliament march.
