തിരുവനന്തപുരം: മലപ്പുറം കൊളത്തൂരിൽ നിന്ന് കാണാതായ കോളേജ് വിദ്യാർത്ഥിയെ തിരുവനന്തപുരത്ത് മരിച്ച നിലയിൽ കണ്ടെത്തി. കൊളത്തൂർ കുരുവമ്പലം പൊട്ടിപ്പാറ ഹൗസിൽ ബഷീറിന്റെ മകൻ മുഹമ്മദ് സിനാന്റെ (19) മൃതദേഹമാണ് വിജനമായ സ്ഥലത്ത് കത്തിക്കരിഞ്ഞ നിലയിൽ കണ്ടെത്തിയത്.(Missing student from Malappuram found dead in Thiruvananthapuram)
മൃതദേഹം കണ്ടെത്തിയ സ്ഥലത്തിന് സമീപത്തെ സിസിടിവി ദൃശ്യങ്ങൾ പരിശോധിച്ച പോലീസിന് സുപ്രധാന വിവരങ്ങൾ ലഭിച്ചു. കഴിഞ്ഞ ചൊവ്വാഴ്ച മലപ്പുറത്തെ മഅ്ദിൻ കോളേജിലേക്ക് പോയ സിനാൻ വൈകുന്നേരമായിട്ടും തിരികെ വീട്ടിലെത്തിയിരുന്നില്ല. തുടർന്ന് പിതാവ് കൊളത്തൂർ പോലീസിൽ പരാതി നൽകി. അന്വേഷണം പുരോഗമിക്കവെയാണ് തിരുവനന്തപുരത്ത് മൃതദേഹം കണ്ടെത്തിയ വിവരം ലഭിക്കുന്നത്.
പെട്രോളിന് സമാനമായ ദ്രാവകം കുപ്പിയിൽ വാങ്ങുന്നതായും നടന്നുപോകുന്നതായും സിസിടിവി ദൃശ്യങ്ങളിൽ കാണുന്നുണ്ടെന്ന് പോലീസ് സൂചിപ്പിച്ചു. വിദ്യാർത്ഥി എന്തിനാണ് തിരുവനന്തപുരത്ത് എത്തിയതെന്നോ മരണത്തിലേക്ക് നയിച്ച സാഹചര്യമെന്താണെന്നോ ഉള്ള കാര്യത്തിൽ ഇപ്പോഴും വ്യക്തത വന്നിട്ടില്ല.
