പത്തനംതിട്ട: പന്തളം കൈപ്പുഴയിൽ പ്രവാസിയുടെ വീട്ടിൽ നിന്ന് 50 പവനിലധികം സ്വർണാഭരണങ്ങൾ കവർന്നു. കൈപ്പുഴ സ്വദേശി ബിജുനാഥിന്റെ വീട്ടിലാണ് കവർച്ച നടന്നത്. സംഭവത്തിൽ പോലീസ് പ്രത്യേക അന്വേഷണ സംഘം രൂപീകരിച്ചു.(Massive robbery at expatriate’s house in Pandalam)
ബിജുനാഥും കുടുംബവും വിദേശത്തായതിനാൽ ബിജുവിന്റെ അമ്മ ഓമനയാണ് വീട്ടിലെ കാര്യങ്ങൾ നോക്കിയിരുന്നത്. ഇവർ പകൽ വീട്ടിലുണ്ടാകുമെങ്കിലും രാത്രി മൂത്ത മകന്റെ വീട്ടിലേക്ക് പോകുന്ന പതിവുണ്ടായിരുന്നു. ഈ സമയത്താണ് മോഷണം നടന്നത്.
വീടിന്റെ മുൻവശത്തെ വാതിൽ പൊളിച്ചാണ് മോഷ്ടാക്കൾ അകത്തുകടന്നത്. കിടപ്പുമുറിയിലെ അലമാരയിൽ സൂക്ഷിച്ചിരുന്ന ബിജുവിന്റെ ഭാര്യയുടെ സ്വർണാഭരണങ്ങളാണ് നഷ്ടപ്പെട്ടത്.
