മലപ്പുറം: മഞ്ചേരിയിൽ കൂട്ടുകാർക്കൊപ്പം ക്ഷേത്രക്കുളത്തിൽ കുളിക്കാനിറങ്ങിയ കോളേജ് വിദ്യാർത്ഥി മുങ്ങിമരിച്ചു (Manjeri drowning accident). മഞ്ചേരി കരിക്കാട് പടിഞ്ഞാറെകൊല്ലേരി വീട്ടിൽ ശ്രീനിവാസന്റെ മകൻ ശ്രീഹരി (19) ആണ് മരിച്ചത്. ബിരുദ വിദ്യാർത്ഥിയാണ് ശ്രീഹരി.
ഞായറാഴ്ച രാവിലെ 11 മണിയോടെയായിരുന്നു ദാരുണമായ സംഭവം. ശക്തമായ മഴയെ തുടർന്ന് ക്ഷേത്രക്കുളം കവിഞ്ഞുനിറഞ്ഞ അവസ്ഥയിലായിരുന്നു. കുളത്തിൽ നീന്തുന്നതിനിടെ ശ്രീഹരി വെള്ളത്തിൽ മുങ്ങിപ്പോകുകയായിരുന്നു. കൂടെയുണ്ടായിരുന്ന സുഹൃത്തുക്കളും ബഹളം കേട്ടെത്തിയ നാട്ടുകാരും രക്ഷിക്കാൻ പരമാവധി ശ്രമിച്ചെങ്കിലും ശ്രമം ഫലകണ്ടില്ല.
തുടർന്ന് വിവരമറിയിച്ചതിനെ തുടർന്ന് ഫയർഫോഴ്സ് സംഘം സ്ഥലത്തെത്തി നടത്തിയ തിരച്ചിലിലാണ് ശ്രീഹരിയെ പുറത്തെടുത്തത്. ഉടൻ തന്നെ മഞ്ചേരിയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം തുടർനടപടികൾക്കായി ആശുപത്രി മോർച്ചറിയിലേക്ക് മാറ്റി.
Story Summary:
A 19-year-old degree student, Srihari, drowned while bathing with friends in a flooded temple pond at Manjeri in Malappuram district. Although the Fire Force rescued him and rushed him to the hospital, his life could not be saved.
