ഭാര്യയെ വെട്ടിപ്പരിക്കേൽപ്പിച്ച് ഒളിവിൽപ്പോയ പ്രതി പിടിയിൽ
May 3, 2024, 05:59 IST
കല്പ്പറ്റ: ഭാര്യയെ വെട്ടി പരിക്കേല്പ്പിച്ച് ഒളിവിൽപ്പോയ ഭര്ത്താവിനെ പോലീസ് പിടികൂടി. പുല്ലത്ത് വീട്ടില് എ.പി. അഷ്റഫ്(50)നെയാണ് പോലീസ് പിടികൂടിയത്. വയനാട് മേപ്പാടിയിലാണ് സംഭവം നടന്നത്.
മൂത്ത മകളുടെ വിവാഹം അനുവാദം കൂടാതെ നടത്തിയെന്ന് ആരോപിച്ചാണ് പ്രതി ഭാര്യയെ വെട്ടി പരിക്കേൽപ്പിച്ചത്. തുടർന്ന് ഇയാൾ ഒളിവിൽപ്പോവുകയും പിന്നീട് കോട്ടക്കലില് തമിഴ്നാട് സ്വദേശികളുടെ കൂടെ വാടകക്ക് താമസിച്ചു വരുന്നതിനിടെ പോലീസ് പിടികൂടികയുമായിരുന്നു.