തിരുവനന്തപുരം: കുംഭമേളയിലൂടെ വൈറലായ പെൺകുട്ടിയുടെ വിവാഹവുമായി ബന്ധപ്പെട്ട പരാതിയിൽ മധ്യപ്രദേശ് പോലീസിന്റെ വിശദീകരണം തേടിയിരിക്കുകയാണ് കോടതി. പോക്സോ നിയമപ്രകാരം കേസെടുക്കണമെന്ന ഹർജി പരിഗണിച്ചാണ് കോടതി നടപടി.(Kumbh Mela viral star’s marriage controversy, Court seeks report from Madhya Pradesh Police)
മധ്യപ്രദേശിലെ മഹേശ്വർ സ്റ്റേഷൻ എസ്എച്ച്ഒ സംഭവത്തെക്കുറിച്ച് അന്വേഷിച്ച് മെയ് 20-നകം റിപ്പോർട്ട് നൽകണമെന്ന് കോടതി ഉത്തരവിട്ടു. വിവാഹ ഫോട്ടോകൾ സമൂഹമാധ്യമങ്ങളിൽ പ്രചരിപ്പിച്ചത് കുട്ടിക്കെതിരെയുള്ള അതിക്രമമാണെന്ന് ഹർജിയിൽ ചൂണ്ടിക്കാട്ടുന്നു. വൈറൽ പെൺകുട്ടിയുടെ വിവാഹ ചിത്രം സമൂഹമാധ്യമങ്ങളിൽ പങ്കുവെച്ചതുമായി ബന്ധപ്പെട്ടാണ് വിവാദം ഉടലെടുത്തത്.
