മലപ്പുറം: ഇടതുപക്ഷത്തോടൊപ്പം മുന്നോട്ട് കുതിക്കുമെന്ന് കെ.ടി. ജലീൽ. “തല പോയാലും വിശ്വസിച്ചവരെ വഞ്ചിക്കില്ല” എന്നും അദ്ദേഹം തന്റെ ഔദ്യോഗിക ഫേസ്ബുക്ക് പോസ്റ്റിലൂടെ വ്യക്തമാക്കി. ഇടതുപക്ഷ പ്രസ്ഥാനത്തോട് ചേർന്നുനിൽക്കുന്ന തന്റെ രാഷ്ട്രീയ നിലപാട് അദ്ദേഹം കുറിപ്പിലൂടെ അക്കമിട്ട് വ്യക്തമാക്കി.(KT Jaleel Reaffirms Loyalty To CPM Saying Will Not Betray Left Front)
സുഖത്തിലും ദു:ഖത്തിലും കൂടെയുണ്ടാകും. ജയ-പരാജയങ്ങളിൽ കട്ടക്ക് നിൽക്കും.
അവസാനം വരെ പഴശ്ശിക്കൊപ്പം നിന്ന ഉണ്ണിമൂസയുടെയും അത്തൻകുരിക്കളുടെയും പിൻമുറക്കാരൻ സഖാവ് പിണറായിക്കും പാർട്ടിക്കും പിന്നിൽ അടിയുറച്ചു മുന്നേറും.
കുറ്റങ്ങളും കുറവുകളും മനുഷ്യസഹജം. പാർട്ടി തെറ്റുകൾ തിരുത്തും. നേതാക്കളും പ്രവർത്തകരും പിശകുകളെ മറികടക്കും. ഫീനിക്സ് പക്ഷിയെപ്പോലെ ഉയിർത്തെഴുന്നേറ്റ് മതനിരപേക്ഷതക്ക് കാവലിരിക്കും. ഭൂരിപക്ഷ-ന്യൂനപക്ഷ വർഗീയതകളെ ചെറുത്ത് തോൽപിക്കും.
സാമൂഹ്യ മാദ്ധ്യമങ്ങളിൽ ഞാനുമായി ബന്ധപ്പെട്ട് പ്രചരിപ്പിക്കപ്പെടുന്നതെല്ലാം അസംബന്ധങ്ങൾ. ചെങ്കൊടി വിട്ടൊരു രാഷ്ട്രീയം ഇനിയില്ല. ചുവപ്പിനെ പ്രണയിച്ച് ശക്തമായി പൊതുരംഗത്ത് തുടരും. ലാൽസലാമും പറഞ്ഞാണ് അദ്ദേഹം പോസ്റ്റ് അവസാനിപ്പിച്ചത്.
Story Summary
Former Minister KT Jaleel MLA slammed social media rumors about his political realignment, affirming that he will remain loyal to the Left ecosystem even at the cost of his life. In a strong Facebook post, Jaleel stated that the party will correct its mistakes to rise like a phoenix, vowing to fight communalism and stand firmly behind Pinarayi Vijayan.
