കൊല്ലം: കെഎസ്ആർടിസി സൂപ്പർഫാസ്റ്റ് ബസിൽ യാത്രക്കാരിക്ക് നേരെ ലൈംഗികാതിക്രമം നടത്തിയ സംഭവത്തിൽ പ്രതി അറസ്റ്റിൽ. കഴക്കൂട്ടം സ്വദേശി ആന്റണി തോമസാണ് കൊല്ലം ഈസ്റ്റ് പോലീസിന്റെ പിടിയിലായത്.(KSRTC Bus Sexual Harassment Case Kollam Arrest)
തിരുവനന്തപുരത്തുനിന്ന് കോട്ടയത്തേക്ക് പോവുകയായിരുന്ന സൂപ്പർഫാസ്റ്റ് ബസിലാണ് അതിക്രമം നടന്നത്. പുലർച്ചെ മൂന്നരയോടെ കൊല്ലം പോളയത്തോട് എത്തിയപ്പോഴാണ് സംഭവം. കഴക്കൂട്ടത്തുനിന്ന് ബസിൽ കയറിയ പ്രതി, യുവതിക്ക് നേരെ ആദ്യം മോശം പരാമർശങ്ങൾ നടത്തുകയും പിന്നീട് കയറിപ്പിടിക്കാൻ ശ്രമിക്കുകയുമായിരുന്നു.
യുവതി ഉടൻ തന്നെ വിവരം ബസ് ജീവനക്കാരെ അറിയിച്ചു. ഡ്രൈവറും കണ്ടക്ടറും ചേർന്ന് ഉടൻ തന്നെ ബസ് കൊല്ലം ഈസ്റ്റ് പോലീസ് സ്റ്റേഷനിലേക്ക് ഓടിച്ചു കൊണ്ടുപോവുകയായിരുന്നു. തുടർന്ന് യുവതിയുടെ പരാതിയിൽ കേസെടുത്ത പോലീസ് പ്രതിയെ കസ്റ്റഡിയിലെടുത്തു. ഇയാളെ ഉച്ചയോടെ കോടതിയിൽ ഹാജരാക്കുമെന്ന് പോലീസ് അറിയിച്ചു.
Story Summary
A man named Antony Thomas, has been arrested for allegedly sexually harassing a woman on a KSRTC super-fast bus traveling from Thiruvananthapuram to Kottayam. The incident occurred near Polayathodu, Kollam, around 3:30 AM, and the accused was apprehended after the bus crew diverted the vehicle to the Kollam East Police Station.
