കോഴിക്കോട്: പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ യുവാവിനെ പോലീസ് അറസ്റ്റ് ചെയ്തു (Kozhikode minor girl assault case). കോഴിക്കോട് മാവൂർ സ്വദേശിയായ അഭിജിത്ത് (24) ആണ് പന്തീരാങ്കാവ് പോലീസിന്റെ പിടിയിലായത്. സോഷ്യൽ മീഡിയ വഴി പെൺകുട്ടിയുമായി സൗഹൃദം സ്ഥാപിച്ച പ്രതി, വീട്ടിൽ ആരുമില്ലാതിരുന്ന സമയം നോക്കി തന്ത്രപൂർവ്വം പെൺകുട്ടിയെ വിളിച്ചുവരുത്തി പീഡിപ്പിക്കുകയായിരുന്നുവെന്നാണ് കേസ്. അതിക്രമത്തിന് ഇരയായ പെൺകുട്ടി നേരിട്ടെത്തി നൽകിയ പരാതിയുടെ അടിസ്ഥാനത്തിലാണ് പോലീസ് പ്രതിയെ വലയിലാക്കിയത്. സംഭവത്തിൽ വിശദമായ അന്വേഷണം നടന്നുവരികയാണെന്ന് പോലീസ് അറിയിച്ചു.
Story Summary: A 24-year-old youth from Mavoor has been arrested by the Pantheerankavu police for sexually assaulting a minor girl. The accused befriended the girl through social media and committed the crime at his residence when no one else was present.
