കൊച്ചി: കീം (KEAM) റാങ്ക് ലിസ്റ്റ് തയ്യാറാക്കുന്നതിനായി പ്ലസ് ടു മാർക്ക് ലിസ്റ്റ് സമർപ്പിക്കാനുള്ള അവസാന തീയതി നീട്ടണമെന്ന് ആവശ്യപ്പെട്ട് ഹൈക്കോടതിയിൽ ഹർജി. കൗൺസിൽ ഓഫ് സിബിഎസ്ഇ സ്കൂൾസ് കേരളയും പുനർ മൂല്യനിർണയത്തിന് അപേക്ഷിച്ച വിദ്യാർത്ഥികളുമാണ് കോടതിയെ സമീപിച്ചത്. ഹർജി ജസ്റ്റിസ് ബെച്ചു കുര്യൻ തോമസ് ജൂൺ 9-ന് വീണ്ടും പരിഗണിക്കും.(KEAM 2026, High Court Petitions To Extend KEAM Deadline Over CBSE Revaluation Issues)
സിബിഎസ്ഇ പ്ലസ് ടു പരീക്ഷയുടെ മൂല്യനിർണയം ഇത്തവണ ‘ഓൺ സ്ക്രീൻ മാർക്കിങ്’ രീതിയിലേയ്ക്ക് മാറ്റിയതോടെ മാർക്കുകളുമായി ബന്ധപ്പെട്ട് നിരവധി പരാതികൾ ഉയർന്നിരുന്നു. ഇതിനെത്തുടർന്ന് പുനർ മൂല്യനിർണയത്തിന് അപേക്ഷിക്കാൻ വിദ്യാർത്ഥികൾക്ക് അവസരം നൽകിയിരുന്നു.
എന്നാൽ, പുനർ മൂല്യനിർണയ പ്രക്രിയ പൂർത്തിയാകും മുൻപേ, നിലവിലെ മാർക്ക് ലിസ്റ്റ് അപ്ലോഡ് ചെയ്യണമെന്ന് പ്രവേശന പരീക്ഷാ കമ്മിഷണർ വിജ്ഞാപനം പുറപ്പെടുവിച്ചു. തങ്ങളുടെ അർഹമായ റാങ്ക് നഷ്ടപ്പെടുമെന്ന ആശങ്കയിലാണ് വിദ്യാർത്ഥികളും സ്കൂൾ അധികൃതരും കോടതിയെ സമീപിച്ചിരിക്കുന്നത്.
Story Summary
The Council of CBSE Schools Kerala and several students have petitioned the Kerala High Court to extend the deadline for submitting Class 12 mark lists for the KEAM engineering rank list preparation. The petitioners argue that many students have applied for revaluation due to discrepancies caused by CBSE’s new ‘on-screen marking’ system, and current submission requirements force them to upload potentially inaccurate results before the revaluation process is complete.
