കാറഡുക്ക കോ-ഓപ്പറേറ്റീവ് സൊസൈറ്റി തട്ടിപ്പ്; അന്വേഷണം ക്രൈംബ്രാഞ്ചിന് കൈമാറി
![കാറഡുക്ക കോ-ഓപ്പറേറ്റീവ് സൊസൈറ്റി തട്ടിപ്പ്; അന്വേഷണം ക്രൈംബ്രാഞ്ചിന് കൈമാറി](https://timeskerala.com/static/c1e/client/91214/uploaded/d94969754c7cd9f2baa0b2d54f144232.webp)
കാസര്ഗോട്: കാറഡുക്ക അഗ്രിക്കൾചറിസ്റ്റ് വെൽഫെയർ കോ-ഓപ്പറേറ്റീവ് സൊസൈറ്റിയിലെ തട്ടിപ്പ് കേസിന്റെ അന്വേഷണം കാസർഗോട് ജില്ലാ ക്രൈംബ്രാഞ്ചിന് കൈമാറി. എട്ടംഗ സംഘമാണ് കേസ് അന്വേഷിക്കുക.
ക്രൈം ബ്രാഞ്ച് ഡിവൈഎസ്പി ഷിബു പാപ്പച്ചന്റെ നേതൃത്വത്തിലാണ് അന്വേഷണം നടത്തുക. സിപിഎം നിയന്ത്രണത്തിലാണ് കാറഡുക്ക അഗ്രിക്കൾച്ചറിസ്റ്റ് വെൽഫെയർ കോഓപ്പറേറ്റീവ് സൊസൈറ്റി പ്രവർത്തിക്കുന്നത്.
![](https://timeskerala.com/static/c1e/static/themes/16/91214/3752/images/New-Creative-.png)
മൂന്ന് വർഷമായി 4.76 കോടി രൂപയുടെ തട്ടിപ്പാണ് സെക്രട്ടറി കെ. രതീശന് നടത്തിയത്. ബന്ധുക്കളുടെ പേരിൽ വ്യാജ സ്വർണപ്പണയ ലോൺ പ്രതി നേടിയെടുത്തു. കേരള ബാങ്കിൽ നിന്ന് സൊസൈറ്റിക്ക് ലഭിച്ച ക്യാഷ് ക്രെഡിറ്റ് 1.10 കോടി രൂപയും ഇയാൾ തട്ടിയെടുത്തു. ഇയാൾ റിയല് എസ്റ്റേറ്റ് നിക്ഷേപം നടത്തിയതായി കണ്ടെത്തിയിരുന്നു. തട്ടിപ്പ് നടത്തിയ ശേഷം പ്രതി നാടുവിട്ടു. പ്രതിയെ പിടികൂടാനുള്ള ശ്രമത്തിലാണ് അന്വേഷണ സംഘം.