കൊച്ചി: കേരളത്തിൽ വ്യാപകമായി നടക്കുന്നത് നാർക്കോ ടെററിസമാണെന്ന ഗുരുതര ആരോപണവുമായി ഹിമവൽ ഭദ്രാനന്ദ (തോക്ക് സ്വാമി). സംസ്ഥാനത്തെ തകർക്കാനുള്ള ബോധപൂർവമായ ശ്രമങ്ങളാണ് ഇപ്പോൾ നടക്കുന്നത് (Himaval Bhadrananda). മുൻപ് മയക്കുമരുന്നിന്റെ വിപത്തുകളെ കുറിച്ച് പരസ്യമായി സംസാരിച്ചതിന് തന്നെ ജയിലിലടയ്ക്കുകയാണ് ചെയ്തതെന്ന് അദ്ദേഹം കുറ്റപ്പെടുത്തി. കൊച്ചി കേന്ദ്രീകരിച്ച് പ്രവർത്തിക്കുന്ന ഒരു പ്രമുഖ ബിസിനസുകാരനാണ് നഗരത്തിൽ ലഹരി ഒഴുക്കുന്നതിന് പിന്നിലെന്നും ഇയാളെ പിടികൂടാൻ താൻ ആഭ്യന്തര മന്ത്രി രമേശ് ചെന്നിത്തലയെ വെല്ലുവിളിക്കുന്നുവെന്നും ഭദ്രാനന്ദ പറഞ്ഞു.
കൊച്ചിയിൽ ‘മുളകിന്റെ’ പേരിൽ ഹോട്ടൽ ബിസിനസ് നടത്തുന്ന വ്യക്തിയാണ് ഇതിന് പിന്നിലെന്നും, ഇയാൾ സംസ്ഥാനത്തെ യുവാക്കളെ വലിയ രീതിയിൽ ലഹരിവലയിൽ വീഴ്ത്തുകയാണെന്നും അദ്ദേഹം ആരോപിച്ചു. കേരളത്തിലെ ചെറുപ്പക്കാരുടെ ഭാവിയിൽ മുഖ്യമന്ത്രിക്ക് ആത്മാർത്ഥമായ ആശങ്കയുണ്ടെങ്കിൽ ഈ പറയുന്ന ബിസിനസുകാരനെ ഉടൻ അറസ്റ്റ് ചെയ്യാൻ തയാറാകണം. പിടികൂടുന്ന ബ്രൗൺ ഷുഗർ ഉൾപ്പെടെയുള്ള മയക്കുമരുന്നുകൾ പ്രതികൾ കോടതിയിൽ എത്തുമ്പോഴേക്കും അരിപ്പൊടിയാക്കി മാറ്റുന്ന അട്ടിമറികളാണ് നടക്കുന്നത്. ഇത്തരം മാഫിയകളെ നേരിടാൻ പോലീസിന് കെൽപ്പില്ലെങ്കിൽ, അതിനുള്ള കരുത്ത് തന്റെ തോക്കിൽ നിന്ന് നൽകാമെന്നും ഹിമവൽ ഭദ്രാനന്ദ വിവാദ പ്രസ്താവനയിലൂടെ വ്യക്തമാക്കി.
Story Summary: Controversial figure Himaval Bhadrananda has alleged that ‘Narco-Terrorism’ is highly active in Kerala. He claimed that a prominent Kochi-based hotelier is smuggling drugs into the state and openly challenged Ramesh Chennithala and the Chief Minister to arrest the businessman.
