തലസ്ഥാനത്തെ മലയോര മേഖലകളിൽ കനത്ത മഴ

സംസ്ഥാന തലസ്ഥാനത്തെ മലയോര മേഖലകളിൽ കനത്ത മഴയാണ് റിപ്പോർട്ട് ചെയ്തിരിക്കുന്നത്. തിരുവനന്തപുരം മുതൽ പാലോട് വരെയുള്ള സംസ്ഥാന പാതയിൽ വെള്ളക്കെട്ട് രൂപപ്പെട്ടിട്ടുണ്ട്. ചൊവ്വാഴ്ച ജില്ലയിൽ യെല്ലോ അലർട്ട് പ്രഖ്യാപിച്ചു.

കനത്ത മഴയെ തുടർന്ന് മലയോര മേഖലകളെ നഗരവുമായി ബന്ധിപ്പിക്കുന്ന തിരുവനന്തപുരം-ചെങ്കോട്ട അന്തർസംസ്ഥാന പാതയിൽ യാത്ര ദുഷ്‌കരമായിരിക്കുകയാണ്. വാഹനങ്ങൾ ഇതുവഴി തിരിച്ചുവിടേണ്ടി വന്നു. നിലവിൽ വെള്ളക്കെട്ട് കുറയുന്നതായാണ് റിപ്പോർട്ട്. എന്നാൽ, വെള്ളക്കെട്ടിലായ റോഡിലൂടെ ചെറുവാഹനങ്ങൾ കടന്നുപോകാൻ പ്രയാസമാണ്.