ഗവർണർ രിഫ് മുഹമ്മദ് ഖാൻ പ്രിയ വർഗ്ഗീസിൻറെ നിയമനവുമായി ബന്ധപ്പെട്ട് വിസിയോട് വിശദീകരണം തേടി
തിരുവനന്തപുരം: മുഖ്യമന്ത്രിയുടെ പ്രൈവറ്റ് സെക്രട്ടറി കെകെ രാഗേഷിന്റെ ഭാര്യ പ്രിയ വർഗ്ഗീസിനെ കണ്ണൂർ യൂണിവേഴ്സ്റ്റിയിൽ അസോസിയേറ്റ് പ്രൊഫസർ തസ്തികയിലേക്ക് നിയമിക്കാനുള്ള സംഭവത്തിൽ ചാൻസിലർകൂടിയായ ഗവർണർ വിശദീകരണം തേടി. വൈസ് ചാൻസിലർ പ്രഫ. ഗോപിനാഥ് രവീന്ദ്രനോട് ഗവർണർ ആരിഫ് മുഹമ്മദ് ഖാൻ ആവശ്യപ്പെട്ടിരിക്കുന്നത് നിയമന നടപടികൾ സംബന്ധിച്ചുള്ള വിശദമായ റിപ്പോർട്ട് നൽകാനാണ്. വൈസ് ചാൻസിലറുടെ പ്രതികരണം സ്വാഭാവിക നടപടിക്രമം മാത്രമാണിതെന്നാണ്. മലയാളം അസോസിയേറ്റ് പ്രൊഫസർ തസ്തികയിലേക്കുള്ള അഭിമുഖത്തിൽ എസ്ബി കോളേജ് എച്ച് ഒ ഡി ജോസഫ് സ്കറിയയെ രണ്ടാം സ്ഥാനത്തേക്ക് പിന്തള്ളിയാണ് യൂണിവേഴ്സിറ്റി പ്രിയയക്ക് ഒന്നാം റാങ്ക് നൽകിയത്. അധ്യാപന രംഗത്ത് 27 വർഷമായി തുടരുന്ന ആളാണ് ജോസഫ് സ്കറിയ.