തിരുവനന്തപുരം: സംസ്ഥാനത്ത് സ്വർണവിലയിൽ നേരിയ കുറവ്. ഇന്ന് ഒരു പവൻ സ്വർണത്തിന് 200 രൂപയാണ് കുറഞ്ഞത്. ഇതോടെ വിപണിയിൽ ഒരു പവൻ സ്വർണത്തിന്റെ ഇന്നത്തെ വില 1,10,800 രൂപയായി. ഗ്രാമിന് 25 രൂപ കുറഞ്ഞ് 13,850 രൂപയിലാണ് വ്യാപാരം നടക്കുന്നത്.(Gold Price In Kerala Decreases By 200 Rupees Today)
കഴിഞ്ഞ ശനിയാഴ്ച ഒറ്റയടിക്ക് 2160 രൂപ വർധിച്ചതോടെ സ്വർണവിലയിൽ കുതിച്ചുചാട്ടം പ്രകടമായിരുന്നു. വെറും മൂന്നു ദിവസത്തിനുള്ളിൽ 4300 രൂപയാണ് വർധിച്ചത്. കഴിഞ്ഞ ആഴ്ച സ്വർണവിലയിൽ 5000 രൂപയിലധികം ഇടിവുണ്ടായതിന് പിന്നാലെയാണ് പെട്ടെന്നുള്ള ഈ വിലക്കയറ്റം ഉണ്ടായത്.
രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്. നിലവിൽ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.
Story Summary
Gold prices in Kerala have seen a slight decline, with the price of a sovereign dropping by 200 rupees to 1,10,800 rupees. This reduction follows a sharp volatility in the market, which saw a surge of 4,300 rupees over the last three days after a significant price drop last week.
