കൊച്ചി: പ്രമുഖ ഇന്ത്യൻ കമ്പനിയായ ഗോദ്റെജ് കൺസ്യൂമർ പ്രോഡക്ട്സ് ലിമിറ്റഡിന്റെ (Godrej Ninja Dog Food Launch Kerala) ഉപസ്ഥാപനമായ ഗോദ്റെജ് പെറ്റ് കെയർ (Godrej Pet Care), നായ്ക്കൾക്കായുള്ള തങ്ങളുടെ ആഗോള നിലവാരത്തിലുള്ള പോഷകാഹാര ബ്രാൻഡ് ‘ഗോദ്റെജ് നിൻജ’ (Godrej Ninja) കേരള വിപണിയിൽ ഔദ്യോഗികമായി അവതരിപ്പിച്ചു. ഇതോടെ നായ്ക്കൾക്കായി ശാസ്ത്രീയമായി പ്രത്യേകം തയ്യാറാക്കിയ ഗോദ്റെജ് നിൻജ ഉൽപ്പന്നങ്ങൾ ഇനി മുതൽ കേരളം, കർണാടക, ആന്ധ്രാപ്രദേശ്, തെലങ്കാന എന്നീ ദക്ഷിണേന്ത്യൻ സംസ്ഥാനങ്ങളിൽ ഉടനീളം ലഭ്യമാകും.
നായ്ക്കളുടെ ഉദരസംബന്ധമായ ആരോഗ്യവും (Gut Health) ശരീരത്തിന്റെ സ്വാഭാവിക പ്രതിരോധശേഷിയും ഒരേപോലെ വർദ്ധിപ്പിക്കുന്നതിനായി വെറ്ററിനറി വിദഗ്ധരുടെ മേൽനോട്ടത്തിൽ രൂപകൽപ്പന ചെയ്തിട്ടുള്ളതാണ് ഈ പുത്തൻ ഉൽപ്പന്നങ്ങൾ. നിലവിൽ ദക്ഷിണേന്ത്യയിലെ പെറ്റ് ഫുഡ് (Pet Food) വിപണി ഏകദേശം 1,800 കോടി മുതൽ 2,000 കോടി രൂപ വരെയാണ് വിലയിരുത്തപ്പെടുന്നത്. ഇന്ത്യയിലെ ആകെ പെറ്റ് ഫുഡ് വിൽപ്പനയുടെ കണപ്പെടുത്തുമ്പോൾ 15 ശതമാനം കർണാടകയിലും, 8 ശതമാനം ആന്ധ്രാപ്രദേശ് & തെലങ്കാനയിലും, 8 ശതമാനം തമിഴ്നാട്ടിലും, 5 ശതമാനം കേരളത്തിലുമാണ് രേഖപ്പെടുത്തുന്നത്. ഈ വലിയ വിപണി സാധ്യതകൾ മുൻനിർത്തിയാണ് ഗോദ്റെജ് തങ്ങളുടെ വിതരണം ദക്ഷിണേന്ത്യയിലേക്ക് ശക്തമാക്കുന്നത്.
ആകർഷകമായ വിലവിവരങ്ങൾ
മുതിർന്ന നായ്ക്കൾക്കുള്ള (Adult Dogs) ഗോദ്റെജ് നിൻജ പാക്കറ്റുകൾക്ക് 100 ഗ്രാമിന് 20 രൂപയും, ഒരു കിലോയ്ക്ക് 199 രൂപയും, 3 കിലോയുടെ വലിയ പാക്കറ്റിന് 499 രൂപയുമാണ് വിപണിയിലെ വില. ചെറിയ നായ്ക്കുട്ടികൾക്കുള്ള (Puppies) പ്രത്യേക ഗോദ്റെജ് നിൻജ ഉൽപ്പന്നങ്ങൾക്ക് 100 ഗ്രാമിന് 20 രൂപ, ഒരു കിലോയ്ക്ക് 219 രൂപ, മൂന്ന് കിലോയ്ക്ക് 549 രൂപ എന്നിങ്ങനെയാണ് വില നിശ്ചയിച്ചിരിക്കുന്നത്. വിപണിയിലെ മറ്റ് മുൻനിര ബ്രാൻഡുകളോട് മത്സരിക്കാൻ പാകത്തിലുള്ള കുറഞ്ഞ നിരക്കിലാണ് ഗോദ്റെജ് ഉൽപ്പന്നങ്ങൾ എത്തിച്ചിരിക്കുന്നത്. നിലവിൽ കേരളത്തിലെ പ്രമുഖ പെറ്റ് ഷോപ്പുകളിലും സൂപ്പർമാർക്കറ്റുകളിലും ഈ ഉൽപ്പന്നങ്ങൾ ലഭ്യമാണ്.
Story Summary:
Godrej Pet Care, a subsidiary of Godrej Consumer Products Limited, has launched its scientifically formulated dog food brand, ‘Godrej Ninja’, in Kerala. The product is designed to improve the digestive health and immunity of dogs. It will now be available across Kerala, Karnataka, Andhra Pradesh, and Telangana. The South Indian pet food market is estimated at ₹1,800 to ₹2,000 crore. Godrej Ninja for adult dogs is priced at ₹199 per kg, and the puppy variant is priced at ₹219 per kg.
