ആലപ്പുഴ: മുൻ മുഖ്യമന്ത്രിയുടെ ‘ചെറ്റ’ പരാമർശത്തെ രൂക്ഷമായി വിമർശിച്ച് ജി. സുധാകരൻ എം എൽ എ. ചെറ്റക്കുടിലുകളിൽ താമസിച്ചിരുന്നവരാണ് കമ്മ്യൂണിസ്റ്റുകാരെന്നും, ഇത്തരം പരാമർശങ്ങൾ കമ്മ്യൂണിസ്റ്റ് പാരമ്പര്യത്തിന് ചേർന്നതല്ലെന്നും അദ്ദേഹം നിയമസഭയിൽ പറഞ്ഞു.(G Sudhakaran criticizes former CMs remark in Assembly)
മുൻ ധനമന്ത്രി കെ.എൻ. ബാലഗോപാലിനെയും അദ്ദേഹം പരിഹസിച്ചു. ബാലഗോപാൽ ഇടയ്ക്കിടെ ആറായിരം കോടി രൂപയെക്കുറിച്ച് സംസാരിക്കാറുണ്ട്. സർക്കാരിന്റെ ധവളപത്രം ഗംഭീരമാണെന്ന് വിശേഷിപ്പിച്ച സുധാകരൻ, മാറ്റമാണ് മാർക്സിസമെന്നും അതാണ് ശാസ്ത്രീയമായ രീതിയെന്നും ഓർമ്മിപ്പിച്ചു.
അതേസമയം, ബജറ്റിനെ അദ്ദേഹം പ്രശംസിച്ചു. ലളിതവും ഗഹനവുമായ ബജറ്റാണിതെന്നും, കാളിദാസനെയും ഷേക്സ്പിയറെയും വായിച്ചിട്ടുള്ളവർക്ക് മാത്രമേ ഇത്തരത്തിൽ ഒരു ബജറ്റ് തയ്യാറാക്കാൻ കഴിയൂ എന്നും ജി. സുധാകരൻ നിയമസഭയിൽ പ്രസംഗിക്കവെ വ്യക്തമാക്കി.
Story Summary
G. Sudhakaran has publicly criticized the former Chief Minister’s derogatory remark, stating it is inconsistent with Communist values and history. While critiquing former Finance Minister K. N. Balagopal, Sudhakaran simultaneously praised the current budget for its depth and simplicity.
