ഛത്രപതി സംഭജിനഗർ: കോക്രോച്ച് ജനതാ പാർട്ടി (CJP) സ്ഥാപകൻ അഭിജിത് ദിപ്കെയുടെ വിദേശ പഠനത്തിന് പണം കണ്ടെത്തിയതിലും പാർട്ടിയുടെ സാമ്പത്തിക സ്രോതസ്സുകളിലും അന്വേഷണം ആവശ്യപ്പെട്ട് സൂറത്ത് സ്വദേശിയായ ആർ.ടി.ഐ (RTI) പ്രവർത്തകൻ അമിത് തിവാരി രംഗത്ത്. വിരമിച്ച മഹാരാഷ്ട്ര സർക്കാർ ജീവനക്കാരനായ അഭിജിതിന്റെ പിതാവ് ഭഗവാൻറാവു ദിപ്കെയ്ക്ക് മകനെ വിദേശത്തയച്ച് ഉന്നതവിദ്യാഭ്യാസം നൽകാനുള്ള സാമ്പത്തിക ശേഷി എങ്ങനെ ലഭിച്ചുവെന്ന് അന്വേഷിക്കണമെന്നാണ് അധികൃതരോട് ആവശ്യപ്പെട്ടിരിക്കുന്നത്.(Abhijeet Dipke, RTI Activist Demands Probe Into CJP Founder Family Finances)
കൂടാതെ, നീറ്റ് ചോദ്യപേപ്പർ ചോർച്ചയുമായി ബന്ധപ്പെട്ട പ്രതിഷേധത്തിൽ അറസ്റ്റിലായവർക്ക് നിയമസഹായം നൽകാനായി രൂപീകരിച്ച 1 കോടി രൂപയുടെ ‘ലീഗൽ ഡിഫൻസ് ഫണ്ടിന്റെ’ നിയമസാധുതയും ചോദ്യം ചെയ്യപ്പെട്ടിട്ടുണ്ട്. ജന പ്രാതിനിധ്യ നിയമം (Section 29A) അനുസരിച്ച് സി.ജെ.പി ഇലക്ഷൻ കമ്മീഷനിൽ രജിസ്റ്റർ ചെയ്ത പാർട്ടിയാണോ എന്ന് പരിശോധിക്കണമെന്നും, സി.ജെ.പിക്ക് 1 കോടി രൂപ നൽകുമെന്ന് പ്രഖ്യാപിച്ച മുതിർന്ന അഭിഭാഷകൻ കപിൽ സിബൽ ഇതിന്റെ 18% ജി.എസ്.ടി (GST) അടയ്ക്കാൻ ബാധ്യസ്ഥനാണോ എന്ന് സെൻട്രൽ ജി.എസ്.ടി അധികൃതർ പരിശോധിക്കണമെന്നും ഹർജിയിൽ ആവശ്യപ്പെടുന്നു.
സാമ്പത്തിക അന്വേഷണ ആവശ്യങ്ങളും പ്രതിഷേധ വിവാദങ്ങളും ശക്തമാകുന്നതിനിടെ, ഛത്രപതി സംഭജിനഗറിലെ വസതിയിൽ വെച്ച് അഭിജിത് ദിപ്കെയുടെ ആരോഗ്യനില മോശമായി. വീടിന്റെ പാർക്കിംഗ് ഏരിയയിൽ കാണാനെത്തിയ മാധ്യമപ്രവർത്തകരോടും അനുഭാവികളോടും സംസാരിക്കുന്നതിനിടെ അസ്വസ്ഥത അനുഭവപ്പെടുകയും ഛർദ്ദിക്കുകയും ചെയ്തതിനെ തുടർന്ന് അദ്ദേഹത്തെ മുറിയിലേക്ക് മാറ്റി.
Story Summary
An RTI activist has requested an investigation into the financial background of CJP founder Abhijeet Dipke’s father and the legal status of the party’s 1 crore legal defence fund. Amidst these legal challenges, Dipke fell ill at his residence in Chhatrapati Sambhajinagar due to low blood pressure and stress.
