തിരുവനന്തപുരം: സംസ്ഥാനത്ത് തുടരുന്ന കനത്ത മഴയിലും വെള്ളപ്പൊക്കത്തിലും വിതച്ച നാശനഷ്ടങ്ങളുടെയും മരണങ്ങളുടെയും പുതിയ കണക്കുകൾ സംസ്ഥാന ദുരന്തനിവാരണ അതോറിറ്റി പുറത്തുവിട്ടു. മഴക്കെടുതികളിൽ പെട്ട് സംസ്ഥാനത്തൊട്ടാകെ ഇതുവരെ 8 പേർ മരണപ്പെടുകയും 8 പേരെ കാണാതാവുകയും ചെയ്തിട്ടുണ്ട്.(Kerala Rain Damage Update Eight Dead Eight Missing)
പരിക്കേറ്റ 13 പേർ വിവിധ ആശുപത്രികളിൽ ചികിത്സയിലാണ്. കനത്ത മഴയിലും ശക്തമായ കാറ്റിലും സംസ്ഥാനത്തുടനീളം വലിയ തോതിലുള്ള ഭവന നാശനഷ്ടങ്ങളാണ് റിപ്പോർട്ട് ചെയ്തിട്ടുള്ളത്. 27 വീടുകൾ പൂർണ്ണമായും 196 വീടുകൾ ഭാഗികമായും തകർന്നു. ദുരിതബാധിത മേഖലകളിൽ നിന്നും ആളുകളെ സുരക്ഷിത കേന്ദ്രങ്ങളിലേക്ക് മാറ്റിപ്പാർപ്പിച്ചു വരികയാണ്.
നിലവിൽ വിവിധ ജില്ലകളിലായി തുറന്നിട്ടുള്ള 209 ദുരിതാശ്വാസ ക്യാമ്പുകളിലായി 5,792 പേരാണ് കഴിയുന്നത്. റവന്യൂ, ദുരന്തനിവാരണ സേനകളുടെ നേതൃത്വത്തിൽ ദുരിതാശ്വാസ പ്രവർത്തനങ്ങളും കാറ്റിലും മഴയിലും തകരാറിലായ പ്രദേശങ്ങളിലെ പുനരധിവാസ പ്രവർത്തനങ്ങളും ഊർജ്ജിതമായി പുരോഗമിക്കുകയാണ്.
Story Summary
The Kerala State Disaster Management Authority released updated figures on the monsoon damage, confirming eight deaths, eight missing persons, and 13 injuries. With 27 houses fully destroyed and 196 partially damaged, over 5,700 people have been relocated to 209 relief camps across the state.
