മലപ്പുറം/കോഴിക്കോട്: കേരളത്തിൽ രണ്ടിടങ്ങളിലായി ഉണ്ടായ മുങ്ങിമരണങ്ങളിൽ രണ്ട് ജീവനുകൾ നഷ്ടമായി Drowning death(). മലപ്പുറം കുറ്റിപ്പുറത്ത് ക്വാറിയിൽ കുളിക്കാനിറങ്ങിയ യുവാവും കോഴിക്കോട് പതങ്കയത്ത് വെള്ളച്ചാട്ടത്തിൽ കുളിക്കാനിറങ്ങിയ വിദ്യാർത്ഥിയുമാണ് മരിച്ചത്.
മലപ്പുറം കുറ്റിപ്പുറത്ത് ക്വാറിയിൽ കുളിക്കുന്നതിനിടെ കാണാതായ യുവാവിന്റെ മൃതദേഹം കണ്ടെത്തി. അല്ലൂർ മേടിപ്പാറ സ്വദേശി സഹൽ ആണ് മരിച്ചത്.ഞായറാഴ്ച ഉച്ചയോടെ കുറ്റിപ്പുറം കാർത്തല ചുങ്കം പിന്ന് മില്ലിന് സമീപത്തെ ക്വാറിയിലാണ് അപകടം നടന്നത്.വെള്ളത്തിൽ മുങ്ങിപ്പോയ സഹലിനായി ഫയർഫോഴ്സും നാട്ടുകാരും ചേർന്ന് നടത്തിയ ഊർജിതമായ തിരച്ചിലിനൊടുവിലാണ് മൃതദേഹം കണ്ടെത്തിയത്.
കോഴിക്കോട് പതങ്കയത്ത് വെള്ളച്ചാട്ടത്തിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു. കൊളത്തറ സ്വദേശി ഷബീൽ (17) ആണ് മരിച്ചത്.
കൂട്ടുകാർക്കൊപ്പം പതങ്കയത്ത് വിനോദയാത്രയ്ക്ക് എത്തിയതായിരുന്നു ഷബീൽ. വെള്ളച്ചാട്ടത്തിൽ കുളിക്കുന്നതിനിടെ അപ്രതീക്ഷിതമായി അപകടത്തിൽപ്പെടുകയായിരുന്നു.
ഷബീലിനെ കാണാതായതോടെ കൂട്ടുകാരും സമീപത്തുണ്ടായിരുന്നവരും ആദ്യം തിരച്ചിൽ നടത്തി. പിന്നീട് മുക്കം ഫയർഫോഴ്സും കോടഞ്ചേരി പോലീസും സ്ഥലത്തെത്തി നടത്തിയ തെരച്ചിലിലാണ് മൃതദേഹം പുറത്തെടുത്തത്.
അവധി ദിവസങ്ങളിൽ ജലാശയങ്ങളിൽ ഇറങ്ങുന്നവർ അതീവ ജാഗ്രത പാലിക്കണമെന്ന് അധികൃതർ നിർദ്ദേശിച്ചു. രണ്ട് കേസുകളിലും പോലീസ് നിയമനടപടികൾ ആരംഭിച്ചിട്ടുണ്ട്.
Story Summary: Two drowning incidents were reported in Kerala on Sunday. In Malappuram, a youth named Sahal from Allur Medippara died after drowning in a quarry near Kuttippuram. In Kozhikode, a 17-year-old student named Shabeel from Kolathara drowned while bathing with friends at Pathankayam waterfalls. In both cases, the bodies were recovered following search operations conducted by the Fire Force, police, and local residents.
