തിരുവനന്തപുരം : സിപിഎം പാർട്ടി നേതൃത്വത്തിനെതിരെ കീഴ്ഘടകങ്ങളിൽ നിന്നുയർന്ന രൂക്ഷ വിമർശനങ്ങളെ തണുപ്പിക്കാൻ സംസ്ഥാന സെക്രട്ടേറിയറ്റിന്റെ നീക്കം. നേതൃമാറ്റം ആവശ്യപ്പെട്ടുകൊണ്ടുള്ള കീഴ്ഘടകങ്ങളുടെ നിർദ്ദേശങ്ങൾ സെക്രട്ടേറിയറ്റ് തയ്യാറാക്കിയ റിപ്പോർട്ടിൽ നിന്ന് പൂർണ്ണമായും ഒഴിവാക്കി. പ്രതിപക്ഷ നേതാവ് പിണറായി വിജയനും സംസ്ഥാന സെക്രട്ടറി എം.വി. ഗോവിന്ദനും നേരെ ഉയർന്ന വിമർശനങ്ങൾ മയപ്പെടുത്താനും പാർട്ടി നേതൃത്വം ശ്രമിച്ചു.(CPM State Committee Demands Revision In Report Regarding Leadership Change)
എന്നാൽ, പാർട്ടിക്കുള്ളിലെ അതൃപ്തി മറച്ചുവെച്ചുകൊണ്ടുള്ള ഈ റിപ്പോർട്ടുമായി താഴെത്തട്ടിലേക്ക് പോകാനാവില്ലെന്ന് സംസ്ഥാന സമിതിയിലെ ഭൂരിപക്ഷം അംഗങ്ങളും നിലപാടെടുത്തു. നയപരമായ വീഴ്ചകളെയും വ്യക്തിപരമായ വിമർശനങ്ങളെയും ലഘൂകരിച്ച നടപടിയിൽ കടുത്ത പ്രതിഷേധമാണ് സമിതിയിൽ ഉയർന്നത്. ഒടുവിൽ, കീഴ്ഘടകങ്ങളുടെ ആവശ്യം കൂടി പരിഗണിച്ച് റിപ്പോർട്ടിൽ ആവശ്യമായ തിരുത്തലുകൾ വരുത്താമെന്ന് പാർട്ടി സംസ്ഥാന സെക്രട്ടറി സമ്മതിച്ചു.
അതിനിടെ, പാർട്ടി പ്ലീനം ഉടൻ ചേരേണ്ടതില്ലെന്ന തീരുമാനമെടുത്തതോടെ, നേതൃമാറ്റം സംബന്ധിച്ച അഭ്യൂഹങ്ങൾക്ക് നിലവിൽ വിരാമമായി. ഓഗസ്റ്റിൽ ജില്ലാ സെക്രട്ടറിയേറ്റ് അംഗങ്ങളെക്കൂടി ഉൾപ്പെടുത്തി വിപുലമായ സംസ്ഥാന സമിതി യോഗം ചേരാനാണ് ഇപ്പോൾ തീരുമാനിച്ചിരിക്കുന്നത്. പാർട്ടിക്കുണ്ടായ വീഴ്ചകൾ ബോധ്യമുണ്ടെന്നും തെറ്റുകൾ തിരുത്തി മുന്നോട്ടുപോകുമെന്നും എം.വി. ഗോവിന്ദൻ സമിതിയിൽ വ്യക്തമാക്കി.
Story Summary
The CPI(M) state secretariat faced strong internal opposition after attempting to dilute reports regarding leadership changes and criticisms against top figures like Pinarayi Vijayan. Following objections from the state committee, the leadership has agreed to revise the report, while confirming that no immediate leadership overhaul will occur before the upcoming state committee meeting in August.
