തിരുവനന്തപുരം: സംസ്ഥാനത്ത് കനത്ത മഴ തുടരുന്നതിനിടെ പ്രമുഖ നദികളിലെ ജലനിരപ്പ് അപകടകരമായ രീതിയിൽ ഉയരുന്നതായി കേന്ദ്ര ജല കമ്മീഷന്റെ (CWC) മുന്നറിയിപ്പ്. നദികളിൽ ജലനിരപ്പ് ക്രമാതീതമായി ഉയർന്നതിനെ തുടർന്ന് പത്തനംതിട്ട, കാസർകോട് ജില്ലകളിലെ പ്രധാന നദികളിൽ കേന്ദ്ര ജല കമ്മീഷൻ അലർട്ടുകൾ പ്രഖ്യാപിച്ചു.(Central Water Commission Issues Flood Alert For Pamba And Payaswini Rivers In Kerala)
നദീതീരങ്ങളിൽ താമസിക്കുന്നവർക്കും തീരദേശവാസികൾക്കും കടുത്ത ജാഗ്രതാ നിർദ്ദേശം നൽകിയിട്ടുണ്ട്. പമ്പാ നദിയിൽ ജലനിരപ്പ് ഉയർന്നതിനെ തുടർന്ന് മലക്കര, മടമൺ സ്റ്റേഷനുകളിൽ ഓറഞ്ച് അലർട്ട് പ്രഖ്യാപിച്ചു. പയസ്വിനി നദിയിൽ ജലനിരപ്പ് ഉയർന്നതിനാൽ എരിഞ്ഞിപ്പുഴ സ്റ്റേഷനിൽ മഞ്ഞ അലർട്ട് പ്രഖ്യാപിച്ചിട്ടുണ്ട്.
യാതൊരു കാരണവശാലും മേൽപ്പറഞ്ഞ നദികളിൽ ഇറങ്ങാനോ, കുളിക്കാനോ, നദി മുറിച്ചു കടക്കാനോ പാടില്ല. നദീതീരങ്ങളോട് ചേർന്ന് താമസിക്കുന്നവർ കടുത്ത ജാഗ്രത പാലിക്കണം. വെള്ളപ്പൊക്ക സാധ്യത മുന്നിൽ കണ്ട്, പ്രാദേശിക ഭരണകൂടത്തിന്റെയോ അധികൃതരുടെയോ നിർദ്ദേശം ലഭിക്കുന്ന മുറയ്ക്ക് സുരക്ഷിത സ്ഥാനങ്ങളിലേക്ക് മാറി താമസിക്കാൻ പ്രദേശവാസികൾ സദ്ധരാകേണ്ടതാണ്.
Story Summary
The Central Water Commission has issued orange and yellow alerts for the Pamba and Payaswini rivers as water levels have reached dangerous marks in Pathanamthitta and Kasaragod districts. Authorities have urged residents near riverbanks to remain vigilant and refrain from entering the water.
