മഞ്ചേശ്വരത്ത് തുറന്നത് പുതുചരിത്രം; കേരളം ജനത നാടിന്റെ വികസനത്തിനൊപ്പം: മുഖ്യമന്ത്രി

കാസര്‍ഗോഡ് മഞ്ചേശ്വരത്ത് ആരംഭിച്ച നവകേരള സദസ് തുറന്നത് പുതുചരിത്രമാണെന്ന് മുഖ്യമന്ത്രി പിണറായി വിജയന്‍. നാടിന്റെ വികസത്തിനൊപ്പം ജനങ്ങളുണ്ടെന്ന് തെളിയിക്കുന്നതാണ് അവിടെയുണ്ടായ ജനപങ്കാളിത്വമെന്ന് മുഖ്യമന്ത്രി പറഞ്ഞു. നവകേരള സദസിന്റെ രണ്ടാം ദിനം നടത്തിയ വാര്‍ത്താ സമ്മേളനത്തില്‍ സംസാരിക്കുകയായിരുന്നു മുഖ്യമന്ത്രി.

സമൂഹത്തിന്റെ നാനാതുറകളില്‍പ്പെട്ട ജനങ്ങൾ ഒരേ മനസോടെ മഞ്ചേശ്വരത്ത് ഒത്തുചേര്‍ന്നു. നാടിന്റെ വികസനത്തിനും പുരോഗതിക്കും സര്‍ക്കാരിനൊപ്പം തങ്ങളുണ്ടെന്ന പ്രഖ്യാപനമാണ് ജനങ്ങളുടെ ഭാഗത്ത് നിന്നും ലഭിച്ചത്. 2016 മുതല്‍ കേരളം കൈവരിച്ച സമഗ്ര വികസനത്തിന്റെയും മുന്നേറ്റത്തിന്റെയും പുരോഗതി കൂടുതല്‍ ഊര്‍ജ്ജിതമായി മുന്നോട്ടു കൊണ്ടുപോകാനുള്ള ഉറച്ച പിന്തുണയാണ് ജനങ്ങളിൽനിന്ന് ലഭിച്ചതെന്നും മുഖ്യമന്ത്രി.