വനം സംരക്ഷണ സമിതി മുൻ അംഗത്തെ മർദിച്ചു; രണ്ട് വനപാലകർ ഉൾപ്പെടെ മൂന്നുപേർക്കെതിരെ കേസ്
May 3, 2024, 21:15 IST
നെടുമങ്ങാട്: കേസന്വേഷണവുമായി എത്തിയ വനം ഉദ്യോഗസ്ഥർ കല്ലാർ, വനസംരക്ഷണ സമിതി മുൻ അംഗവും നിത്യരോഗിയുമായ വൃദ്ധനെ മർദിച്ചതായി പരാതി. വനസംരക്ഷണസമിതി മുൻ അംഗമായ വിതുര കല്ലാർ രേഷ്മ ഭവനിൽ ടി. രാജു (60) വാണ് തന്നെ ഫോറസ്റ്റ് ഉദ്യോഗസ്ഥർ ഉൾപ്പെട്ട സംഘം മർദിച്ചതായി വിതുര പൊലീസിൽ പരാതി നൽകിയത്. സംഭവവുമായി ബന്ധപ്പെട്ട് രണ്ട് വനപാലകർ ഉൾപ്പെടെ മൂന്നുപേർക്കെതിരെ വിതുര പൊലീസ് കേസെടുത്തു. വനംവകുപ്പിലെ വനിത ഉദ്യോഗസ്ഥ ജാതിപറഞ്ഞ് അധിക്ഷേപിച്ചു എന്ന വ്യാജപരാതിയിൽ അന്വേഷണ ഉദ്യോഗസ്ഥർക്ക് അനുകൂലമായി മൊഴി നൽകാത്തതിൽ ക്ഷുഭിതരായ ഉദ്യോഗസ്ഥരാണ് തന്നെ മർദിച്ചതെന്ന് രാജു പറയുന്നു.