മഴയിൽ മാറ്റിയ തൃശൂർപൂരം വെടിക്കെട്ട് ഇന്നു രാത്രി ഏഴിന്
May 11, 2022, 10:32 IST
തൃശൂർ: കനത്ത മഴയെത്തുടർന്ന് മാറ്റിവച്ച തൃശൂർപൂരം വെടിക്കെട്ട് ഇന്നു വൈകിട്ട് ഏഴിന് നടത്തും. പകൽ വെടിക്കെട്ടിന്റെ കാര്യത്തിൽ അൽപ്പ സമയത്തിനകം തീരുമാനം ഉണ്ടായേക്കും. കനത്ത മഴയുടെ പശ്ചാത്തലത്തിലാണ് പാറമേക്കാവ്-തിരുവമ്പാടി ദേവസ്വങ്ങളുടെ തീരുമാനപ്രകാരം വെടിക്കെട്ട് മാറ്റിവച്ചിരുന്നത്.പുലർച്ചെ മൂന്നിനു നടത്താനിരുന്ന വെടിക്കെട്ടാണ് മഴ മൂലം രാത്രിയിലേക്കു മാറ്റിവെച്ചത്. ഇതോടെ വെടിക്കെട്ട് കാണാനെത്തിയ പതിനായിരങ്ങൾ നിരാശയോടെ മടങ്ങിയിരുന്നു.